Матфей 6:2 - Од Соткс Новый Завет на мордовском-мокша языке 2016

² Мзярда тон максат ашувонди, тят азонда тянь колга сембонди, кода тиендихть шамафксонь каннихне синагогаса и ульцяса пряснон шнафтоманкса. Видеста корхтан тейнть: синь ни сявозь эсь казнеснон.

Матфей 6:2 ပူးပေါင်းရင်းမြစ်များ

Матфей 15:7

Шамафксонь каннихть! Лац тинь колгант пророчендась Исаия пророксь, мзярда мярьгсь:

Матфей 16:3

а шобдава: "Тячи ули давол, сяс мес менельсь сюнерьгодсь". Шамафксонь каннихть! Менельть лангс ваномста тинь аноконди содасасть, кодама ули ушесь, а пинкнень тяштьксна тейнть аф шарьхкодевихть.

Матфей 22:18

Иисус шарьхкодезень синь кальдяв мяльснон и мярьгсь: «Шамафксонь каннихть! Мезенди варчсесамасть Монь кизефксонтень вельде?

Матфей 23:5

Семботь тиендьсазь аньцек ломаттненди няфтеманкса. Кодама оцюфт и келихть Сёрматфксть мархта коробканясна и кодама кувакат панарсост цёкне!

Матфей 23:6

Синь кельгсазь озсемать эзембряв иласа и васенце васттненди синагогаса,

Матфей 24:51

и пялева керсы покодить, и ёрдасы тов, коза ёрдафт шамафксонь каннихневок. Тоса кармай улема авардема и пеень мчкорфтома».

Матфей 5:18

Видеста корхтан тейнть: мзярс менельсь и модась аф юмайхть, фкявок буквась и фкявок китькскясь койста аф юмай, мзярс сон педа-пес аф пяшкодеви.

Матфей 6:16

«Мзярда кирттяда пост, тяда уле сюнерьготфокс, кода шамафксонь каннихне. Синь якайхть сюнерьготфста, сяс мес ёрайхть няфтемс: кирдихть пост. Видеста корхтан тейнть: синь ни сявозь эсь казнеснон.

Матфей 6:3

Мзярда максат ашувонди, катк кержи кядце аф содасы, мезе тии видись,

Матфей 6:5

«И мзярда озонттада, тяда уле, кода шамафксонь каннихне. Синь кельгсазь синагогаса и ошть ульцянзон ужева озондомс, няелезь синь ломаттне. Видеста корхтан тейнть: синь ни сявозь эсь казнеснон.

Матфей 7:5

Шамафксонь канни! Васенда таргак шочкть эсь сельмостот, и эста няйсак, кода таргамс ялгацень сельмоста сардть.

Марк 12:39

синагогаса инголи озсемать и каванямань иласа сяда цебярь вастонь кочксемать.

Марк 7:6

Иисус мярьгсь тейст: «Шамафксонь каннихть! Исаия пророкть видецоль, мзярда инголькиге тяфта азозе тинь колгант, кода сёрматф: "Ня ломаттне аньцек валса ванцазь Монь мялезень, но синь седисна ичкозет Монь эздон.

Лука 11:41

Максость ашуфненди сянь, мезе шаватнень и кядьгонятнень потмоса, и эста сембонте ули ару.

Лука 11:43

Кальдяв тейнть, фарисейхть, тинь кельгсасть синагогаса инголе озсемать и мишендемань-рамсемань вастова шумбракснема-шнама валонь кочксемать.

Лука 12:33

Мишендесть уликсонтень и лездода ашуфненди. Аноклада эстейнть ярмаконь путомс кяскавнят, конат аф каладыхть; кочкада эстейнть аф юмафтови козяши менельса, коза салайсь аф маладови и коса ки мелавсь аф пори.

Лука 12:56

Шамафксонь каннихть! Тинь модать и менельть лангс ваномста машттада содамонза, кодама ули ушесь, а кодама сась тяни пингсь – тянь шарьхкодема аф машттада.

Лука 13:15

Но Азорсь каршезонза мярьгсь: «Шамафксонь канни! Дяряй аф эрсь ёткстонт юкссекшнесы буканц али осёлонц ваймамань шиня и вятнесы симома?

Лука 20:46

«Ванфтода пря койти тонафтыда, конат кельгсазь кувака щамса якамать, мишендема-рамсема вастса шумбракснема-шнама валонь кочксемать, синагогаса и каванямань иласа инголи озсемать.

Лука 6:24

Но кальдяв тейнть, козят, вдь тинь ни сявость эсь кенярдемантень.

Лука 6:42

Ина кода мярьгат кемай ялгацти: "Ялгай! Эрька, таргаса сельмостот сардть", мзярда эсь сельмосот шочкть аф няйсак? Шамафксонь канни! Васенда таргак эсь сельмостот шочкть, эста няйсак, кода таргамс кемай ялгацень сельмоста сардть».

Иоанн 13:29

Иудань кядьсотольхть марстонь ярмакне, сяс конат-конат арьсесть: Иисус, улема, корхтай тейнза: «Рамак, мезе тейнек эряви Очижить ётафтомс», али: «Мезевок явонтт ашуфненди».

Иоанн 5:41

Тейне аф эряви шнама ломаттнень эзда.

Иоанн 5:44

Кода тинь карматада кемама, кда фкя-фкянь кядьста учсетяда шнама, а фкя-тяка Шкайть эзда шнама аф вешенттяда?

Иоанн 7:18

Эсьстонза корхтайсь вешенди эстейнза шнама. А кие вешенди шнама эсь кучиенцты, ся виде ломань, и аш эсонза аф видеши.

Апостолхнень тевсна 10:2

Сонцьке, кудэряензовок ульсть коень ванфты ломатть и Шкаень мяль ваныхть. Сон лама лездсь ашуфненди и фалу озондсь Шкайти.

Апостолхнень тевсна 10:31

и корхтай тейне: "Корнилий, тонь озондомаце кульф, и Шкайсь мяляфты ашуфненди лездомацень колга.

Апостолхнень тевсна 10:4

Сон эводезь варжакстсь ангелть лангс и мярьгсь: «Мезе, Азор?» Ангелсь мярьгсь: «Озондомаце и пара тефне пачкодсть Шкайти, и Сон мяляфты колгат.

Апостолхнень тевсна 11:29

Эста тонафнихне састь мяльс кучемс ярмак Иудеяса эряй кемай ялгатненди, эрсь эсь уликсшинц коряс.

Апостолхнень тевсна 24:17

Мон лама киза ашелень Иерусалимса и тяни сань ломаньтналозти ярмакса лезксонь максома и озксказнень тиема.

Апостолхнень тевсна 9:36

Иоппияса эрясь фкя ава, Иисусонь тонафниец, лемоцоль Тавифа. Лемонц смузец «пандонь сяваня, серна». Авась фалу тиендсь цебярь тефт и лездсь ашуфненди.

Павелонь сёрмац Риму 12:8

кинь ули ломанень кемокстамань казнец, катк тиендьсы тянь. Кие максы лезкс, ся катк максы седи ваксста. Кие тертьф улемс вятикс-оцюнякс, катк покоди седиень путозь; кие лезды ашуфненди, катк тиендьсы тянь кенярдезь.

Павелонь васенце сёрмац Коринфу 13:3

Явондяряса марнек уликс-парозень, мянь максондяряса плхтамас ронгозень, а кельгома эсон аш, – эста аш тейне тянь эзда кодамонга асу.

Павелонь сёрмац Галатияв 2:10

Аньцек синь эняльдсть тейнек аф юкснемс лездомс Иерусалимонь ашуфненди, мезе мон оцю мяльса и тиендян.

Павелонь сёрмац Ефесу 4:28

Кие салсесь, оду тяза салсе, а катк цебярьста покоди эсь кядензон мархта, и улеза сонь мезьста максомс сянди, кие эряй ашушиса.

Павелонь васенце сёрмац Фессалоникав 2:6

И минь ашеме вешенде эстейнек шнама-кеподема ломаттнень кядьста, аф тинь, аф лиятнень.

Павелонь васенце сёрмац Тимофеенди 6:18

Кошардыть синь паронь тиендемс, козякоткшнемс цебярь тевса и аф ужяльдезь макссемс эсь уликсснон эзда лиятненди.

Павелонь сёрмац Филимононди 1:7

Кемай ялгай, тонь кельгомаце пяк кеняртьфтемань и кемокстамань монь, сяс мес тонь вельдет ваймясть-кемокстасть Шкаень ломаттнень седисна.

Еврейхненди сёрмась 13:16

Тясть юксне паронь тиемать и фкя-фкянди лездомать, сяс мес тяфтама озксказнетне мялезонза Шкайти.

Пёторонь васенце сёрмац 4:11

Кда кие корхтай, катк сянь валонза кайгихть кода Шкайть валонза. Кда кие покоди-лезды, ся катк покоди-лезды ся вийса, конань тейнза макссесы Шкайсь. Катк сембонь тянь эса шнави Шкайсь Иисус Христость вельде. Тейнза шнама и азорксши сембе пингс! Аминь.