Матфей 6:1 - Од Соткс Новый Завет на мордовском-мокша языке 2016

¹ «Ваность, тясть лихне эсь цебярь тевонтень ломаттнень сельмоснон инголи, афток тейнть аф максови казне Менелень Алянтень эзда.

Матфей 6:1 ပူးပေါင်းရင်းမြစ်များ

Матфей 16:27

Вдь Ломанень Цёрась сай Алянц иневалдсонза и Эсь ангелонзон мархта, и эста эрь ломанть казьсы тиф тевонзон коряс.

Матфей 16:6

Иисус мярьгсь тейст: «Ванода, ванфтода пря фарисейхнень и саддукейхнень шапафтомадост».

Матфей 23:13

«Кальдяв тейнть, койти тонафтыхть и фарисейхть! Шамафксонь каннихть! Тинь сёлгондсасть ломаттнень эзда Менелень Оцязорксшить. Тинцьке аф сувсетяда и сятненьге, кинь мяльсна сувамс, аф нолясасть.

Матфей 23:5

Семботь тиендьсазь аньцек ломаттненди няфтеманкса. Кодама оцюфт и келихть Сёрматфксть мархта коробканясна и кодама кувакат панарсост цёкне!

Матфей 25:40

Оцязорсь тейст корхтай: "Видеста корхтан тейнть: сяс мес тинь тиесть тянь Монь ёмла браднень эзда фкяти, стане тиесть тянь Тейне".

Матфей 5:16

Тянь лаца катк тиньге валдонте валдопты ломаттненди, катк синь няйсазь тинь пара тевонтень и шнакшнесазь Алянтень, кона менельса».

Матфей 5:46

Кда карматада кельгомост аньцек сятнень, кит тинь кельктядязь, эста мезенкса тинь казендемс? Тяфта вдь тиендихть каяфксонь кочкайхневок!

Матфей 5:48

Сяс, уледа сембе ширде цебярькс, кода сембе ширде цебярь тинь Менелень Алянте».

Матфей 6:16

«Мзярда кирттяда пост, тяда уле сюнерьготфокс, кода шамафксонь каннихне. Синь якайхть сюнерьготфста, сяс мес ёрайхть няфтемс: кирдихть пост. Видеста корхтан тейнть: синь ни сявозь эсь казнеснон.

Матфей 6:9

Озондода тяфта: Аляньке, кона менельса! Катк лувови инярукс Тонь лемце.

Марк 8:15

Иисус мярьгсь тейст: «Ванода, ванфтода пря фарисейхнень шапафтомадост и Иродонь шапафтомада».

Лука 11:35

Ватт ина: эсот валдсь афоль уле шобдакс!

Лука 12:1

Ся пингоня пуромсь лама тёжянь ломань, мянь люпштасть фкя-фкянь. Иисус пшкядсь васенда тонафниензонды: «Ванфтода пря фарисейхнень шапафтомадост, лиякс мярьгомс, шамафксонь каннемада.

Лука 12:15

Сяльде пшкядсь сембонди: «Ванода, ванфтода пря козяшити прафтомада, сяс мес ломанть эряфоц ащи аф козяшить эзда, кодама оцю сон афоль уле».

Лука 16:15

Иисус мярьгсь тейст: «Ломаттнень инголе тинь ёратада няфтемс прянтень видексшиса эряй ломанькс, но Шкайти содафт седиенте. Ся, мезсь питни ломаттненди – нильготькс Шкайти.

Иоанн 12:43

Ня оцюнятне Шкайть шнаманц коряс сяда пяк кельгозь ломаттнень эзда шнамать.

Иоанн 5:44

Кода тинь карматада кемама, кда фкя-фкянь кядьста учсетяда шнама, а фкя-тяка Шкайть эзда шнама аф вешенттяда?

Апостолхнень тевсна 3:12

Тянь няемста Пётр мярьгсь ломаттненди: «Израилень ломатть! Мес дивандатада тянди? Мес ваттада лангозонк стане, бта минь эсь вийсонк али эсь видексшисонк стяфтоськ сонь пильге лангс и сон арась якайкс?

Павелонь сёрмац Галатияв 6:12

Сят, конат кошардыхть эсонт киськопень керфтома, пяк ёрайхть тумс ломаттнень мяльс. Синь тянь тиендьсазь аньцек сяс, мес ёрайхть ванфтомс пряснон Христость крёзонц инкса панцемада.

Еврейхненди сёрмась 11:26

Сон лувозе Христость инкса сялдомать сяда питникс Египетонь козяшитнень коряс, сяс мес сон ванць инголе ащи казнеть лангс, кона учсезе сонь.

Еврейхненди сёрмась 2:1

Сяс тейнек эряви кемоста кирдемс мяльсонк сянь, мезе кулеме: афолеме усков виде киста.

Еврейхненди сёрмась 6:10

Вдь Шкайть аш аф видексшиц и сяс Тейнза аф юкстави тинь покодеманте и кельгоманте, конань тинь няфтесть Тейнза, мзярда лезнеде и нинге лезттада иняруфненди.

Иоаннонь омбоце сёрмац 1:8

Ванода эсь мельгант, тясть юмафта-арафта сянь, мезень лангса минь покодеме, но путода вий сатомс марнек казнеть, кона аноклаф тейнть.