Матфей 5:9 - Од Соткс Новый Завет на мордовском-мокша языке 2016

⁹ Павазуфт ломаттнень ёткса ладямань тиихне, сяс мес Шкайсь лемдьсыне синь Эстейнза шабакс.

Матфей 5:9 ပူးပေါင်းရင်းမြစ်များ

Матфей 5:45

Аньцек эста ульхтяда шабакс Менелень Алянтенди, сяс мес Сон шити мярьгонди лисендемс кальдяфнень и цебярьхнень вельхксс, кучси пизем видексшинь ломаттнень лангс и пежуфнень лангс.

Матфей 5:48

Сяс, уледа сембе ширде цебярькс, кода сембе ширде цебярь тинь Менелень Алянте».

Лука 20:36

Синь мзярдонга аф кулыхть, сяс мес улихть ангелхнень лаца. Синь Шкаень итть, вдь Шкайсь вельмафтозень кулофста.

Лука 6:35

Но тинь кельгость душманонтень и тиендеда цебярь; эрти, кие анай кядьстонт пандомда, максода и тяда учсе меки пандома. Эста тейнть ули оцю казне, и тинь ульхтяда Инь Вярденнети идькс, сяс мес Сон цебярь аф пандыхнендинге, кяжихнендинге.

Апостолхнень тевсна 7:26

Омбоце шиня Моисей няезе, кода тюрихть кафта еврейхть. Сон ёразе ладямс ёткснон, корхтась: "Ломатть, тинь фкя веронь, мес мольхтяда фкя-фкянь каршес?"

Павелонь сёрмац Риму 12:18

Эсь пяльдент тиесть семботь лиятнень мархта ладязь эряманкса.

Павелонь сёрмац Риму 8:14

Сембе сят, конатнень вятьсыне Шкаень Ваймопожфсь – сембе синь Шкаень итть.

Павелонь сёрмац Риму 8:16

Сонць тя Ваймопожфсь кемокстасы минь ваймопожфоньконь: минь Шкаень иттяма.

Павелонь сёрмац Риму 8:19

Марнек тифсь аф азовомшка пяк учи, мзярда Шкайсь эвондасыне-панчсыне Эсь идензон.

Павелонь васенце сёрмац Коринфу 6:6

Но тинь, кемай ялгат, судендатада фкя-фкянь мархта, да нинге аф кемайхнень инголе.

Павелонь омбоце сёрмац Коринфу 13:11

Меколи, кемай ялгат, мярьган: кеняртькшнеда, петнесть-ладясть эсь эряфонтень, ваймафтода-кемокстада фкя-фкянь, уледа сембе фкя мяльса, ладяда фкя-фкянь мархта – и Шкайсь, кельгомань и сетьмошинь лихтибрясь, ули мархтонт.

Павелонь омбоце сёрмац Коринфу 5:20

Тяфта минь – Христость кучфонза, и Шкайсь Сонць минь вельденк пшкяди-серьгяди тейнть. Христость лемса эняльттяма тейнть: «Ладяда Шкайть мархта!»

Павелонь сёрмац Галатияв 5:22

Но Ваймопожфсь касфтсы Эсь иможенц. Тя: кельгомась, кенярдемась, сетьмошись, куватьс кирдемшкась, парошись, ляпошись, кемамась,

Павелонь сёрмац Ефесу 4:1

Тяфта мон, Азорть инкса пякстафсь, эняльдян тейнть: эряда тердемать питненц коряс, конаса тинь тердедязь Шкайсь.

Павелонь сёрмац Филиппав 4:2

Мон эняльдян Еводиенди и Синтихиенди ладямс фкя-фкянь мархта Азорса.

Павелонь сёрмац Колоссав 3:13

Эряда фкя-фкянь мархта ладязь и нолнеда пежет, кда фкя-фкянь обжатада. Кода Христос нолдазень тинь пежентень, тяфта тиньге тиендеда.

Еврейхненди сёрмась 12:14

Сатнеда сетьмоши сембонь мархта и эряда инярушиса, конафтома кивок аф няйсы Азорть.