Матфей 5:37 - Од Соткс Новый Завет на мордовском-мокша языке 2016

³⁷ Кда мяленте мярьгомс "тяфта", мярьгода – "тяфта", кда мяленте мярьгомс "аф", мярьгода – "аф". А мезе лия тянди поладови – ся Кальдявть эзда».

Матфей 5:37 ပူးပေါင်းရင်းမြစ်များ

Матфей 13:19

мзярда ломанць маряй Оцязорксшить колга куля и аф шарьхкодьсы сонь, сашенды Кальдявсь и салсесы сянь, мезе видефоль ломанть седизонза: тя ломанць кода ки ваксс праф видьмось.

Матфей 13:38

Паксясь – тя масторлангсь, цебярь видьмотне – Оцязорксшить ломаненза, а сордишетне – Кальдявть ломаненза.

Матфей 15:19

Сяс мес ломанень седиста лисихть кальдяв мяльхне-арьсематне, шавоматне, полань полафтоматне, усксевоматне, саламатне, лиянь лангс васькафнематне и сялдоматне.

Матфей 5:36

эсь лемсотка тят вара, сяс мес эстейть аф тиеви фкявок шяярня аф акшекс, аф равжекс.

Матфей 6:13

Тямасть вятфне варчсемас, но Кальдявть эзда идемасть. Вдь Тоннет – Оцязорксшись, вийсь и иневалдсь пефтома пингс. Аминь.

Иоанн 17:15

Эняльдян Тейть аф сявомс синь масторлангста, а ванфтомс синь кальдявда.

Иоанн 8:44

Тинь алянте идемэвозсь; и тинь мяленте тиендемс алянтень лаца визькс тефт. Сон ушетксстокиге ульсь ломанень шавонды и ашезь ащев видешиса; сяс мес аш эсонза видеши. Мзярда сон кяльготни, корхтай эсенц; сяс мес сон – кяльготнись и кяльготнемать аляц.

Павелонь сёрмац Ефесу 4:25

Сяс лоткада васькафнемда и эрсь корхнеза видеть эсь маластоненцты, вдь сембе минь – фкя ронгть пяльксонза.

Павелонь сёрмац Ефесу 6:16

Сембодонга пяк сявость кядезонт ванфтомань седяфть, лиякс мярьгомс, кемамать, конань вельде тейнть матовихть идемэвозть сембе палы налонза.

Павелонь сёрмац Колоссав 3:9

Тяда васькафне фкя-фкянь. Вдь тинь каясть-ёрдасть эсь лангстонт ташта ломанть сембе сонь тевонзон мархта

Павелонь сёрмац Колоссав 4:6

Улеза тинь корхтаманте лямбе и туза ломаттнень мяльс, кода салса почетф ярхцамбяльсь. Маштода эрть каршес максомс эрявикс вал.

Павелонь омбоце сёрмац Фессалоникав 3:3

Но Азорть лангс ули кода надиямс: Сон кемокстатядязь и ванфттядязь тинь Кальдявть эзда.

Иаковонь сёрмац 5:12

Васендакиге, кемай ялгане, мзярдовок тяда вара, – аф менельса, аф модаса и аф мезеньге лиянь лемса; катк «тяфта» валонте ули аньцек «тяфта» валкс, а «аф» валонте улеза аньцек «аф» валкс. Эста тинь аф ульхтяда судендафт.

Иоаннонь васенце сёрмац 2:13

Сёрмадан тейнтьке, сирет, сяс мес тинь содасасть Сянь, кие ульсь ушетксстокиге. Сёрмадан тейнть, отт, сяс мес тинь сяськость Кальдявть. Сёрмадан тейнть, иднят, сяс мес тинь содасасть Алять.

Иоаннонь васенце сёрмац 3:12

Тяда уле Каинонь лаца, кона ульсь Кальдявть эзда, и шавозе эсь брадонц. Мезенкса шавозе? Сянкса, мес сонцень тевонза ульсть кяжихть, а брадонц тевонза – видексшинь.

Иоаннонь васенце сёрмац 5:18

Минь содасаськ: эрсь, кие шачсь Шкайть эзда, аф тии пеже. Шкайть эзда шачфсь ванфтсы эсь прянц, и Кальдявсь аф токасы тяфтама ломанть.