Матфей 5:16 - Од Соткс Новый Завет на мордовском-мокша языке 2016

¹⁶ Тянь лаца катк тиньге валдонте валдопты ломаттненди, катк синь няйсазь тинь пара тевонтень и шнакшнесазь Алянтень, кона менельса».

Матфей 5:16 ပူးပေါင်းရင်းမြစ်များ

Матфей 23:5

Семботь тиендьсазь аньцек ломаттненди няфтеманкса. Кодама оцюфт и келихть Сёрматфксть мархта коробканясна и кодама кувакат панарсост цёкне!

Матфей 23:9

Алякска мастор лангса тясть лемне киньге, сяс мес тинь аньцек фкя Алянте, кона менельса.

Матфей 5:45

Аньцек эста ульхтяда шабакс Менелень Алянтенди, сяс мес Сон шити мярьгонди лисендемс кальдяфнень и цебярьхнень вельхксс, кучси пизем видексшинь ломаттнень лангс и пежуфнень лангс.

Матфей 6:16

«Мзярда кирттяда пост, тяда уле сюнерьготфокс, кода шамафксонь каннихне. Синь якайхть сюнерьготфста, сяс мес ёрайхть няфтемс: кирдихть пост. Видеста корхтан тейнть: синь ни сявозь эсь казнеснон.

Матфей 6:9

Озондода тяфта: Аляньке, кона менельса! Катк лувови инярукс Тонь лемце.

Матфей 9:8

Тянь няемста сембе дивандасть и кармасть шнамонза Шкайть, кона макссь ломаттненди тяшка азорксши.

Лука 11:2

Иисус мярьгсь тейст: «Озондомста корхтада: Аляньке, кона менельса! Катк лувови инярукс Тонь лемце. Катк сай Тонь Оцязорксшице; катк ули Тонь мяльцень коряс, модалангсовок, кода менельса.

Иоанн 15:8

Алязень иневалдоц няфтеви сянь эса: кда тинь канттада лама иможда и ульхтяда Тейне тонафникс.

Апостолхнень тевсна 9:36

Иоппияса эрясь фкя ава, Иисусонь тонафниец, лемоцоль Тавифа. Лемонц смузец «пандонь сяваня, серна». Авась фалу тиендсь цебярь тефт и лездсь ашуфненди.

Павелонь васенце сёрмац Коринфу 14:25

Тяфта тя ломанть панжевихть седиень салавашинза. Эста сон прай шаманц лангс, озонды Шкайти и азсы: «Афкукс мархтонт Шкайсь!»

Павелонь омбоце сёрмац Коринфу 9:13

Иняруфне шнасазь Шкайть сянкса, мес тинь афкукс кематада Христость колга Пара куляти, конань тинь пачфнесасть-азонкшнесасть и тя лац няеви тинь покодемастонт; и шнасазь сянкса, мес тинь седи ваксста лезттада тейст и лия кемайхненди.

Павелонь сёрмац Галатияв 1:24

И шназь Шкайть сянкса, мес тяфта лиссь мархтон.

Павелонь сёрмац Ефесу 2:10

Сяс мес минь Шкайть тифонза, Сон тиемазь минь Иисус Христосса цебярь тевонди, конатнень инголькиге ладязень тиемс тейнек.

Павелонь сёрмац Ефесу 5:8

Мзярда-бди тинь уледе шобдакс, а тяни, мзярда тинь Азорть мархтотада, тинь араде валдокс. Эряда стане, кода эряви эрямс валдть идензонды.

Павелонь васенце сёрмац Фессалоникав 2:12

минь эняльдеме тейнть, кемокстаме эсонт и пяк вешеме эздонт: эряледе тинь Шкайть мяленц коряс, кона тердедязь тинь Эсь Оцязорксшизонза и иневалдозонза.

Павелонь васенце сёрмац Тимофеенди 2:10

а пара тевса, кода ладяй аватненди, конат максозь эсь пряснон Шкайти и тиендихть Сонь мяленц коряс.

Павелонь васенце сёрмац Тимофеенди 5:10

и конац содаф, кода цебярь тевонь тии: сон касфтсь-трясь шабат, васьфнесь инжихть, шнись пилькт Шкаень ломаттненди, лезнесь сятненди, конат повсть люпштамас, и мяль вельде тиендсь эрь кодама цебярь тефт.

Павелонь васенце сёрмац Тимофеенди 5:25

Тяконь лаца цебярь тефневок няевихть, а сят, конат аф няевихть, панжевихть сяльде.

Павелонь васенце сёрмац Тимофеенди 6:18

Кошардыть синь паронь тиендемс, козякоткшнемс цебярь тевса и аф ужяльдезь макссемс эсь уликсснон эзда лиятненди.

Павелонь сёрмац Титонди 2:14

Сон максозе прянц инксонк и тяфта идемазь сембе пежетнень эзда, аруяфтомазь и тиемазь минь Эстейнза ломаньтналкс, кона ваймонь путозь ёрай тиемс пара.

Павелонь сёрмац Титонди 2:7

И тонць ульхть кепотьксокс эрь кодама пара тевса. Катк тонь тонафтомаце ули ару, шнаф и аф гастяф,

Павелонь сёрмац Титонди 3:14

Катк и Критонь кемайхневок тонафнихть тиендемс пара тефт сятненди, кинди тя афкукс эряви, эста синь аф илядыхть иможфтома.

Павелонь сёрмац Титонди 3:4

Но мзярда Шкайть, минь Идиеньконь, пароц и ломанень кельгомац эвондась масторлангти,

Еврейхненди сёрмась 10:24

Эрьда арьсетяма вага мезень кувалма: кода тейнек крьвястемс эрть эса кельгома и пара тевонь тиема.

Пёторонь васенце сёрмац 2:12

Шкаень аф содайхнень ёткса эряда цебярь тевонь тиендезь. Эста сятка, конат сялдыхть эсонт, кода кальдяв тевонь тиихнень, няемок тинь пара тевонтень, шнасазь Шкайть ся шиста, мзярда Сон эвондасы тейст Эсь прянц.

Пёторонь васенце сёрмац 2:9

Но тинь – кочкаф юромсь, Оцязорть озксвятиень оцюнянза, иняру ломаньтналсь, ломаттне, конатнень Шкайсь лувсыне Эсеннекс. Тинь тертьфтяда пачфнемс Сянь пара тевонзон колга, кие лихтедязь тинь шобдаста Эсь мазыдонга мазы валдозонза.

Пёторонь васенце сёрмац 3:1

Тяфта тиньге, рьват, уледа кулхцондыкс эсь мирдентенди. И эста ся мирттне, конат аф кулхцондсазь Шкаень валть, няемок рьваснон прянь вятемаснон, валфтома сальхть кемамати.

Пёторонь васенце сёрмац 3:16

ванфнемок эсь ваймовайгялентень арушиса. Эста араза визькс сятненди, кит кальдявста корхтайхть колгант и сялдсазь тинь ару эряфонтень, кона Христость мяленц коряс.

Пёторонь васенце сёрмац 4:11

Кда кие корхтай, катк сянь валонза кайгихть кода Шкайть валонза. Кда кие покоди-лезды, ся катк покоди-лезды ся вийса, конань тейнза макссесы Шкайсь. Катк сембонь тянь эса шнави Шкайсь Иисус Христость вельде. Тейнза шнама и азорксши сембе пингс! Аминь.

Пёторонь васенце сёрмац 4:14

Кда тинь сялттядязь Христость лемонц инкса, эста тинь павазуфтада, сяс мес Иневалдонь Ваймопожфсь, лиякс мярьгомс, Шкайть Ваймопожфоц ащи тинь вельхксонт. Сят Сонь сялдсазь, а тинь Сонь шнасасть.