Матфей 5:1 - Од Соткс Новый Завет на мордовском-мокша языке 2016

¹ Лама ломанень няемста, Иисус куцсь панда пряс. Сон озась, и Тейнза маладсть тонафниенза.

Матфей 5:1 ပူးပေါင်းရင်းမြစ်များ

Матфей 13:2

Перьфканза пуромсь лама ломань, сяс Тейнза савсь озамс венчс, а сембе ломаттне ащесть эрьхкть трваса.

Матфей 15:29

Иисус кадозе ся вастть и сась Галилеянь эрьхке трвати, куцсь пандть лангс и озась тоса.

Матфей 4:25

Иисусонь мельге мольсь пяк лама ломаньда Галилеяста, Кемонь Ошень аймакста, Иерусалимста, Иудеяста и Иорданть омбокста.

Матфей 5:2

Иисус кармась тонафтомост:

Марк 3:13

Иисус куцсь панда лангс и тердезень сятнень, кинь мялецоль тердемс, и синь састь Тейнза.

Марк 3:20

Мзярда Иисус и тонафниенза састь куду, тоза тага пуромсь лама ломань, сяс Иисусти и Сонь тонафниензонды ашель пинге ярхцамска.

Марк 4:1

Иисус тага ушедсь тонафтома эрьхкть трваса. Перьфканза пуромсь пяк лама ломань, сяс Сон озась венчс, аф ламода аердсь эрьхкть трваста, а сембе ломаттне лядсть модалангса.

Лука 6:12

Ся шитнень Иисус куцсь панда лангс озондома, и ётафтозе марнек веть озондозь Шкайти.

Лука 6:17

Иисус валгсь синь мархтост пандста и лоткась арся вастс. Тоза пуромфоль лама лия тонафнидонза, и пяк лама ломаньда, конат састь Иудеяста, Иерусалимста, Тир и Сидон ошнень оцюведь трвань аймакснон эзда.

Лука 6:20

Сон варжакстсь тонафниензон лангс и кармась корхтама: «Павазуфтада тинь, ашуфне, сяс мес тинь Шкаень Оцязорксшить алотада.

Лука 9:28

Ня валхнень азомда меле кафксошка шинь ётазь, Сон сявозень мархтонза Пёторонь, Иоаннонь, Иаковонь и куцсь мархтост панда пряв озондома.

Иоанн 6:15

Иисус кодак содазе – синь ули мяльсна сявомс Сонь и вихца арафтомс оцязоркс, Сон тага тусь пандть пряс ськамонза.