Матфей 3:7 - Од Соткс Новый Завет на мордовском-мокша языке 2016

⁷ Сон ваны: кстиндама сашенды лама фарисейда и саддукейда, и мярьгсь тейст: «Пупай куень лефкст! Кие тонафтодязь тинь ворьгодемс Шкайть сай пингонь судонц эзда?

Матфей 3:7 ပူးပေါင်းရင်းမြစ်များ

Матфей 12:24

Тянь марямста фарисейхне мярьгсть: «Веельзевулонь, кяжи ваймопожфнень оцюняснон вийса Сон панцесыне кяжи ваймопожфнень».

Матфей 12:34

Пупай куень лефкст! Кода тинь корхтаманте ули цебярь, мзярда тинць кяжихтяда? Вдь мезьда пяшксе ломанть седиец, ся и лиси кургстонза.

Матфей 15:12

Эста тонафниенза маладсть Тейнза и мярьгсть: «Содасак, Тонь валхне кяжияфтозь фарисейхнень?»

Матфей 16:1

Иисусонь малас састь фарисейхть и саддукейхть, и варчсезь Сонь виенц – вешсть кядьстонза тяштькс менельста.

Матфей 16:6

Иисус мярьгсь тейст: «Ванода, ванфтода пря фарисейхнень и саддукейхнень шапафтомадост».

Матфей 22:15

Эста фарисейхне тусть и арьсесть эсь ётковаст, кода кундамс Иисусонь валса.

Матфей 22:23

Сяка шиня Иисусонди састь саддукейхть, конат ашесть кема кулофста вельмамати, и кизефтезь Сонь:

Матфей 22:34

Мзярда фарисейхне кулезь, кода Иисус пандозень саддукейхнень кургснон, пуромсть марс.

Матфей 23:33

Куйхть, пупай куень лефкст! Кодавок аф ворьгодефтяда судендамать и аду повомать эзда.

Матфей 5:20

Корхтан тейнть, кда тинь аф пяшкодьсасть Шкайть мяленц сяда лац фарисейхнень и койти тонафтыхнень коряс, эста тинь аф сувафтада Менелень Оцязорксшити».

Марк 12:13

Синь кучсть мзярошка фарисей и Иродонь ломанензон кодамовок вал лангса Иисусонь кундама.

Марк 12:18

Тоса Иисусонди састь саддукейхть, конат ашесть кема кулофста вельмамати, и кизефтезь Сонь:

Марк 8:15

Иисус мярьгсь тейст: «Ванода, ванфтода пря фарисейхнень шапафтомадост и Иродонь шапафтомада».

Лука 16:14

Фарисейхне, конат ульсть ярмаконь кельгихть, кулезь тянь семботь и пеетькшнесть Иисусонь лангса.

Лука 18:11

Фарисейсь арась и озондсь эсь пачканза тяфта: "Шкай! Сюконян Тейть, мес мон аф стаман, кодапт лия ломаттне, салайхне-нельгихне, кяжень тиихне, усксевихне, али вов кода тя каяфксонь кочкайсь.

Лука 7:30

А фарисейхне и койти тонафтыхне тусть Шкайть мяленц каршек и ашезь кстиндафта пряснон.

Иоанн 1:24

Кучфне ульсть фарисейхнень ёткста.

Иоанн 8:44

Тинь алянте идемэвозсь; и тинь мяленте тиендемс алянтень лаца визькс тефт. Сон ушетксстокиге ульсь ломанень шавонды и ашезь ащев видешиса; сяс мес аш эсонза видеши. Мзярда сон кяльготни, корхтай эсенц; сяс мес сон – кяльготнись и кяльготнемать аляц.

Иоанн 9:40

Кулемок тянь, фарисейхнень ёткста конат-конат кизефтезь: «Дяряй миньге сокорхтама?»

Апостолхнень тевсна 15:5

Эста анасть вал кона-кона ломаттне, конат инголи ульсть фарисеень тонафтомаса, а тяни кармасть кемама Иисус Христости. Синь корхтасть: «Лия ломаньтналоннетнень эряви керсемс киськопесна, и синь эрявихть кошардомс Моисеень коенц пяшкодема».

Апостолхнень тевсна 20:31

Сяс тяда уда, мяляфтость, кода мон колма кизоньберьф апак лотксек, шинек-венек, сельмоведь мархта тонафнине эрть эздонт.

Апостолхнень тевсна 26:5

Синь кунаркиге содасамазь монь и кемокстасазь, кда ули мяльсна: мон эрянь фарисейкс, кемамасонк инь стака тонафтомать коряс.

Апостолхнень тевсна 5:17

Эста озксвятиень оцюнясь и сембе мархтонзотне, а нят ульсть саддукейхнень ёткста, пяшкодсть сельмонь каямада.

Павелонь сёрмац Риму 1:18

Шкайть кяжень пандомац валги менельста эрь кодама пежень и зиянонь тиихнень лангс, конат эсь кальдявшисост кяшендьсазь ломаттнень эзда видешить.

Павелонь сёрмац Риму 5:9

Сяс сядонга пяк тяни, мзярда Шкайсь лувомазь минь видексшинь ломанькс Христость веронц вельде, минь ульхтяма идефт Шкайть кяженц эзда.

Павелонь васенце сёрмац Фессалоникав 1:10

и учемонза менельста Сонь Цёранц – Иисусонь, конань Сон вельмафтозе кулофста и кона идесамазь минь Шкайть сай кяженц эзда.

Еврейхненди сёрмась 11:7

Кемамать вельде Ной тись оцю венч эсь кудэряензон идеманкса. Сон ванозе Шкайть мяленц и кулхцондозе Сонь, мзярда тейнза азфоль ся, мезе нинге ашезь няев. Кемамать вельде сон судендазе тя масторлангть, а эстейнза максфоль видексши, кона сай кемамать вельде.

Еврейхненди сёрмась 6:18

Сяс тяни минь улихть ня кафттне, конат аф полафтыхть и конатнень эса Шкайсь коданга и мзярдонга аф васькафты: тя Шкаень варамась и надияфтомась. Синь кемокстасамазь минь, сятнень, кит музь инголе ащи надиямаса кяшема вастть.

Иоаннонь васенце сёрмац 3:10

Шкаень иттне и идемэвозень иттне вага кода содавихть: кие аф тиенди видексшить коряс, ся аф Шкайть эзда, кода и сявок, кие аф кельгсы эсь кемай ялганц.