Матфей 3:6 - Од Соткс Новый Завет на мордовском-мокша языке 2016

⁶ Сон кстиндакшнезень ломаттнень Иордан ляйса, мзярда синь виденцякшнесть эсь пежесост.

Матфей 3:6 ပူးပေါင်းရင်းမြစ်များ

Матфей 3:11

Мон кстиндатядязь тинь ведьса Шкайти шарфтомантень няфтеманкса, но мельган Молись мондедон вии. Мон аф кондястян кандомс Сонь сандалиянцка. Сон кармай кстиндамонт тинь Иняру Ваймопожфса и толса.

Марк 1:5

Иоаннонди сашендсть Иудея масторонь сембе ломаттне и Иерусалим ошень эряйхне. Сон кстиндакшнезень синь сембонь Иордан ляйса, мзярда синь виденцякшнесть эсь пежесост.

Лука 1:16

Израилень ломаттнень эзда ламотнень шарфтсыне Азорти, синь Шкайснонды.

Лука 3:16

Иоанн тянь каршес корхнесь сембонди: «Мон кстиндатядязь тинь ведьса, но мельган сай мондедон Виись, и мон аф кондястян нльне сандалия шнанянцка юксомс. Сон кармай тинь кстиндамонт Иняру Ваймопожфса и толса.

Апостолхнень тевсна 1:5

Иоанн кстиндась ведьса, а тинь аф лама шида меле ульхтяда кстиндафт Иняру Ваймопожфса».

Апостолхнень тевсна 11:16

И мон лятфтайне Азорть азфонц: "Иоанн кстиндась ведьса, а тинь ульхтяда кстиндафт Иняру Ваймопожфса".

Апостолхнень тевсна 19:18

Ламотне, конат кармасть кемама, сашендсть и сембонь инголе виденцякшнесть эсь пежу тевсост.

Апостолхнень тевсна 22:16

Сяс тяк тарксе пингть! Стяк, Иисус Азорть лемонц тердезь кстиндафтт пря и штайть эсь пежетнень".

Павелонь васенце сёрмац Коринфу 10:2

Тя коволть и оцюведть эса сембе синь ульсть кстиндафт, кода Моисеень мельге молихть.

Павелонь сёрмац Колоссав 2:12

Тинь калмадязь Сонь мархтонза кстиндамаса и вельмафтодязь Сонь мархтонза, сяс мес тинь кемаде Шкайти, кона Эсь вийсонза вельмафтозе Христость кулофнень эзда.

Еврейхненди сёрмась 6:2

тонафтомати кстиндамать колга и эрь кодама штаматнень колга, бславамать пингста кядень путомать колга, кулофнень эзда вельмамать и пефтома пингонь судть колга.

Еврейхненди сёрмась 9:10

Вдь ня обуцятне кода ярхцамаське, симомаське, и эрь кодама штамаське – аньцек ронгонь кошардомат, конатнень вийсна кирди полафтомань пингть самс.

Иаковонь сёрмац 5:16

Сяс виденцяда фкя-фкянди эсь пежентень колга и озондода фкя-фкянь инкса: эста пчкатада. Видексшиса эряй ломанть озондомац пяк лама тии.

Пёторонь васенце сёрмац 3:21

Тя ведсь няфнесы кстиндамать, кона тяни тиньге идетядязь. Кстиндамась – тя аф ронгть лангста рдазонь штама, а Шкайть кядьста ару ваймовайгялень вешема. Кстиндамась идетядязь тинь Иисус Христосонь вельмаманц вельде.

Иоаннонь васенце сёрмац 1:9

А кда минь виденцятама Шкайть инголе эсь пеженьконь колга, эста Шкайсь нолдасыне пеженьконь и аруяфтсамазь эрь кодама аф видешить эзда, сяс мес Сон кирдьсы максф валонц и тиенди видексшить коряс.