Матфей 27:1 - Од Соткс Новый Завет на мордовском-мокша языке 2016

¹ Валдашкодомшовор сембе озксвятиень оцюнятне и ломаньтналонь оцюнятне эсь ётковаст корхтамста састь мяльс шавомс Иисусонь.

Матфей 27:1 ပူးပေါင်းရင်းမြစ်များ

Матфей 23:13

«Кальдяв тейнть, койти тонафтыхть и фарисейхть! Шамафксонь каннихть! Тинь сёлгондсасть ломаттнень эзда Менелень Оцязорксшить. Тинцьке аф сувсетяда и сятненьге, кинь мяльсна сувамс, аф нолясасть.

Марк 15:1

Шобдавакиге озксвятиень оцюнятне ётафтсть пуромкс ломаньтналонь оцюнятнень, койти тонафтыхнень и марнек Оцю пуромксть мархта. Синь сотнезь Иисусонь, лихтезь тоста и максозь Пилатонди.

Лука 13:1

Тя пингть Иисусонди састь ломатть и азондсть Галилеянь эряйхнень колга, конатнень Пилат шавфтозень Шкаень кудса, и синь верснон шовордазе озксказненди печкф жувататнень верснон мархта.

Лука 22:66

Мзярда сась шобдавась, пуромсть ломаньтналонь оцюнятне, озксвятиень оцюнятне и койти тонафтыхне. Синь вятезь Иисусонь Оцю пуромксть инголи.

Иоанн 18:28

Шобдава Иисусонь сявозь Каиафань пяльде и вятезь Пилатонь азоргудонцты. Синць куду ашесть сува – пельсть гастямада, конань инкса синь афольхть ярхцав Очижинь верозда.

Апостолхнень тевсна 5:21

Валдашкодомшовор синь ни ульсть Шкаень кудса, кода тейст мярькфоль, и тонафнезь ломаттнень. Тя ёткть озксвятиень оцюнясь и кит ульсть сонь мархтонза састь и тердезь Оцю пуромксть и сембе Израилень оцюнятнень, и кучсть покодихть пякстамгуду апостолхнень инкса.