Матфей 26:41 - Од Соткс Новый Завет на мордовском-мокша языке 2016

⁴¹ Тяда уда, озондода: варчсемстонт афоледе пра пежес. Ваймось анок паронь тиемс, а ронгсь лафча».

Матфей 26:41 ပူးပေါင်းရင်းမြစ်များ

Матфей 24:42

Сяс ванода, уледа анокт, вдь тинь аф содасасть, кодама шиня сай Азоронте.

Матфей 25:13

Тяфта, уледа фалу анокт, сяс мес аф содасасть аф шить, аф пингть, мзярда сай Ломанень Цёрась».

Матфей 26:38

Сон корхтай тейст: «Куломшка ризнай ваймозе. Ащеда тяса мархтон и тяда уда».

Матфей 6:13

Тямасть вятфне варчсемас, но Кальдявть эзда идемасть. Вдь Тоннет – Оцязорксшись, вийсь и иневалдсь пефтома пингс. Аминь.

Марк 14:38

Тяда уда, озондода: варчсемстонт афоледе пра пежес. Ваймось анок паронь тиемс, а ронгсь лафча».

Лука 11:4

Нолдайть тейнек минь пеженьконь, вдь миньге нолясаськ эрти, кие тейнек шумуясь. Тямасть вятфне варчсемас, но Кальдявть эзда идемасть».

Лука 21:36

Сяс уледа фалу анокт и озондода: максоволь тейнть вий мяндемс сембе ся сай зияттнень эзда и арамс Ломанень Цёрать инголи».

Лука 22:40

Тов пачкодемста мярьгсь тейст: «Озондода, варчсемстонт афоледе пра пежес».

Лука 22:46

Сон мярьгсь тейст: «Мес удотада? Стяда и озондода, варчсемстонт афоледе пра пежес».

Лука 8:13

Кеву вастс прафне – нят сят, кит валть кулемста кенярдезь путсазь сонь седизост, но синь аш юрсна, сяс аф ламос кемайхть и стакашиса варчсемста потайхть кемамада.

Павелонь сёрмац Риму 8:3

Мезе ульсь аф вийс коре койти, кона лафчель минь колаф обуцяньконь сюнеда, сянь тиезе Шкайсь. Сон озксказнекс минь пеженьконь инкса кучезе масторлангти Эсь фкя-тяка Цёранц, конань ронгоц ульсь пежу ломаттнень ронгснон лаца. Тяфта Сон судендазе ломанень пежеть Христость ронгонц вельде.

Павелонь васенце сёрмац Коринфу 10:13

Сембе варчсематне, конат прайхть лангозонт, сембе синь ломанти кирдевомшкат. Шкайсь кирдьсы валонц: Сон мзярдонга аф нолдай лангозонт стама варчсемат, конат улельхть тейнть аф вийс коре. Тяконь лаца эрь варчсемаса Сон няфти лисема васта и максы вий сонь кирдемс.

Павелонь васенце сёрмац Коринфу 16:13

Тяда уда, кемоста ащеда кемамаса, уледа аф пеликс и виикс!

Павелонь васенце сёрмац Коринфу 9:27

Мон кемокстаса ронгозень, катк сон кулхцондсы монь мялезень: афоль лисе стане, пачфтемок Кулять лиятненди, монць улян ёрдаф шири.

Павелонь сёрмац Галатияв 5:24

Сят, конат Христосонь ломатть, крёз лангс эськодезь ломанень пежу обуцять сембе визьксонь и кальдяв мялензон мархта.

Павелонь сёрмац Ефесу 6:18

Тянь тиендесть эрь кодама озондомаса и эняльдемаса. Сембе пинкнень озондода Иняру Ваймопожфса. Уледа анокт и апак лотксек озондода Шкайти сембе иняру ломаттнень инкса.

Пёторонь васенце сёрмац 4:7

Курок семботи сай пе. Сяс уледа смузю мяльса и валда пряса, и эста ульхтяда анокт озондомати.

Пёторонь васенце сёрмац 5:8

Уледа сргозьфт и фалу анокт, сяс мес тинь душманонте, идемэвозсь, якай вакссонт, кода уркоды лев, кона вешенди кинь сивомс.

Пёторонь омбоце сёрмац 2:9

Тя сембось няфнесы: Азорсь содасы, кода идемс Шкайда пели ломаттнень сталмотнень-варчсематнень эзда, а коень колсихнень кирдемс судонь шить самс наказаманди,

Иоаннонди панчф няйфкс 16:15

Иисус Христоссь корхтай: «Мон саян апак учентт, кода салай. Павазу ули аф удысь и эсь щамонь ванфтысь: афоль сав тейнза якамс крхтапа и визделготкшнемс сембонь ингольде».

Иоаннонди панчф няйфкс 3:10

Тон ванфтыть монь кошардомазень улемс кирдикс, сяс монга карман ванфтомот тонь варчсемань-маятамань пингста, кона шашты марнек масторть лангс и кармай варчсемост-маятафтомост модалангонь сембе эряйхнень.