Матфей 26:40 - Од Соткс Новый Завет на мордовском-мокша языке 2016

⁴⁰ Иисус мрдась тонафниензонды и сатозень синь удозь. Корхтай Пёторонди: «Вов, тинь Монь мархтон фкя частовок ашеде кирдев апак удок?

Матфей 26:40 ပူးပေါင်းရင်းမြစ်များ

Матфей 25:5

Рьвяяйсь кирдевсь, а стирьхнень сась удомасна и матодовсть.

Матфей 26:35

Пётр тага корхтай Тейнза: «Кда тейне саволь мархтот куломс, эстовок афолень пота эздот». Тяфта корхтасть сембе лия тонафниензовок.

Матфей 26:38

Сон корхтай тейст: «Куломшка ризнай ваймозе. Ащеда тяса мархтон и тяда уда».

Матфей 26:41

Тяда уда, озондода: варчсемстонт афоледе пра пежес. Ваймось анок паронь тиемс, а ронгсь лафча».

Матфей 26:43

Мрдамстонза Сон тага сатозень синь удозь, сяс мес сельмосна коневсть.

Марк 14:37

Иисус мрдась меки и сатозень синь удозь. Корхтай Пёторонди: «Симон! Тон удат? Тон фкя част ашеть кирдев апак удок?

Лука 22:45

Озондомда меле Иисус стясь и мольсь тонафниензонды. Сон сатозень синь удозь, сяс мес синь матодовсть пичедемать эзда.

Лука 9:32

Пётр и сонь ялганза кемоста матодовсть, а сргоземстост няезь Иисусонь иневалдонц и кафта алятнень, конат ащесть мархтонза.