Матфей 26:29 - Од Соткс Новый Завет на мордовском-мокша языке 2016

²⁹ Корхтан тейнть, тячиень шиста сявомок Мон аф симан виноградонь винада ся шить самс, мзярда Мон тинь мархтонт симан од винада Алязень Оцязорксшисонза».

Матфей 26:29 ပူးပေါင်းရင်းမြစ်များ

Матфей 13:43

Эста видексшинь ломаттне, кода шись, валдашкодыхть эсь Аляснон Оцязорксшиса. Кинь улихть пиленза, катк кульсы!»

Матфей 16:28

Видеста корхтан тейнть: тяса ащихнень ёткса улихть стапт, конат нинге аф кенерихть куломс, кода няйсазь Ломанень Цёрать, кона сай Эсь Оцязорксшисонза».

Матфей 18:20

Вдь коса кафттне али колмотне пуромфт марс Монь лемсон, тоса ётксост Мон улян».

Матфей 25:34

Эста Оцязорсь мярьги види кяденц ширеса ащихненди: "Сада тяза, Монь Алязень кядьса бславафне, сявость Оцязорксшить, кона тейнть аноклафоль нинге масторть тиевомста.

Матфей 26:28

тя Монь верозе, од сотксонь вер, кона валови сембе ломаттнень пежеснон нолдаманкса.

Матфей 26:30

Шкайти шнама моронь морамда меле синь тусть Вайшуфта пандть лангс.

Матфей 28:20

Тонафтость синь ванфтомс семботь, мезе Мон мярьгонь тейнть. Содасть, Мон улян мархтонт сембе шитнень, пингть пенц самс». Аминь.

Марк 14:25

Видеста корхтан тейнть: Мон ни аф симан виноградонь винада ся шить самс, мзярда Мон симан од винада Шкаень Оцязорксшиса».

Лука 12:32

Тят пеле, ёмла стада, вдь Алянтень ули паромялец максомс тейнть Оцязорксши.

Лука 15:32

А сянкса эряви кеняртькшнемс, мес брадце кулофоль и вельмась, юмсесь и мувсь"».

Иоанн 15:11

Тянь Мон азыне тейнть, улеза эсонт Монь кенярдемазе, и пяшкодеза марнек седиенте кенярдемада.

Иоанн 16:22

Тяфта тиньге тяни ризнатада; но Мон тинь тага няйхтядязь, и эста кенярди тинь седиенте, и тинь кенярдеманте киндинге аф сявови.

Иоанн 17:13

Тяни молян Тейть, и сембонь тянь корхтаса масторлангса: синь седисна пяшкодельхть Монь кенярдемасон.

Апостолхнень тевсна 10:41

но аф сембе ломаттненди, а аньцек ся няихненди-азондыхненди, конатнень Сонць кочказень, лиякс мярьгомс – тейнек, конат кулофста вельмамдонза меле мархтонза ярхцаме, симоме.

Еврейхненди сёрмась 12:2

Апак лотксек карматама ванома Иисусонь лангс, кемаманьконь ушедыенц и педа-пес пяшкодиенц лангс. Сон инголенза ащи кеняртьксть вастс кулось крёз лангса, аф ваномок визьксть лангс, и тяни озаф Шкайть озама вастонц види ширесонза.

Иоаннонди панчф няйфкс 14:3

Синь морасть бта од мора оцязоронь озама вастть инголе и ниле эряй ваймотнень и атятнень инголе; и киндивок ашезь тонадов тя морсь, ня морайда башка. Нят ульсть сяда нильгемонь нилие тёжянь ломаттне, конат идефт-рамафт масторлангста.

Иоаннонди панчф няйфкс 7:17

сяс мес Верозсь, кона ащи оцязоронь озама вастть кучкаса, кармай ваномост синь и вятьсыне синь лихтибрятненди, конатнень эзда шуди эряфонь максы ведь. И Шкайсь нардасы синь сельмостост эрь сельмоведнять».