Матфей 26:11 - Од Соткс Новый Завет на мордовском-мокша языке 2016

¹¹ Ашуфне фалу кармайхть мархтонт, а Мон улян мархтонт аф фалу.

Матфей 26:11 ပူးပေါင်းရင်းမြစ်များ

Матфей 18:20

Вдь коса кафттне али колмотне пуромфт марс Монь лемсон, тоса ётксост Мон улян».

Матфей 26:10

Иисус кулезе тянь и мярьгсь тейст: «Мезенди кольфнесасть авать мяленц? Сон пара тев тись Тейне.

Матфей 28:20

Тонафтость синь ванфтомс семботь, мезе Мон мярьгонь тейнть. Содасть, Мон улян мархтонт сембе шитнень, пингть пенц самс». Аминь.

Марк 14:7

Вдь ашуфне фалу кармайхть мархтонт, и тейнть тиеви тейст пара, мзярда мяленте, а Мон улян мархтонт аф фалу.

Иоанн 12:8

Вдь ашуфне фалу улихть вакссонт, а Мон – аф».

Иоанн 13:33

Идне, аф ламос ни Тейне улемс мархтонт. Карматада Монь вешендемон, аньцек, кода ни мярьгонь еврейхненди, тяфта тейнтьке тяни корхтан: "Ков Мон молян, тинь тоза аф молефтяда".

Иоанн 14:19

Ётай аф лама пинге, и масторлангсь ни аф няйсамань Монь; а тинь Монь няйсамасть, сяс мес Мон эрян, тиньге карматада эряма.

Иоанн 16:28

Мон сань Алязень ширеста и сань масторлангти; и тяни кадса масторлангть и туян Алязти».

Иоанн 16:5

«А тяни молян Кучиезти, и кивок эздонт аф кизефнесамань Монь: "Ков молят?"

Иоанн 17:11

Мон ни аф масторлангсан, но синь масторлангсот, а Мон саян Тейть. Иняру Аляй! Ванфтыть синь Эсь лемсот, сятнень, конатнень Тон максыть Тейне: улест синь фкя седиса-ваймоса, кода Минь Тонь мархтот фкя седисотама-ваймосотама.

Апостолхнень тевсна 3:21

Тейнза лядома менельса ся пингть самс, мзярда Шкайсь одукс тисы семботь, кода надияфтсь кунаркиге иняру пророконзон вельде.

Павелонь сёрмац Галатияв 2:10

Аньцек синь эняльдсть тейнек аф юкснемс лездомс Иерусалимонь ашуфненди, мезе мон оцю мяльса и тиендян.

Иоаннонь васенце сёрмац 3:17

Кда козяста эряйсь няйсы кемай ялганц ашушиса и седи ваксста ужяльдезь аф лезды тейнза, кода тя ломанть эса кармай эряма Шкаень кельгомась?