Матфей 25:35 - Од Соткс Новый Завет на мордовском-мокша языке 2016

³⁵ Вдь Мон вачедолень – и тинь андомасть. Сашендсь симомазе – и тинь симдемасть. Ашель эряма вастозе – и тинь нолдамасть эсь кудозонт.

Матфей 25:35 ပူးပေါင်းရင်းမြစ်များ

Матфей 25:40

Оцязорсь тейст корхтай: "Видеста корхтан тейнть: сяс мес тинь тиесть тянь Монь ёмла браднень эзда фкяти, стане тиесть тянь Тейне".

Матфей 26:11

Ашуфне фалу кармайхть мархтонт, а Мон улян мархтонт аф фалу.

Марк 14:7

Вдь ашуфне фалу кармайхть мархтонт, и тейнть тиеви тейст пара, мзярда мяленте, а Мон улян мархтонт аф фалу.

Лука 11:41

Максость ашуфненди сянь, мезе шаватнень и кядьгонятнень потмоса, и эста сембонте ули ару.

Иоанн 13:29

Иудань кядьсотольхть марстонь ярмакне, сяс конат-конат арьсесть: Иисус, улема, корхтай тейнза: «Рамак, мезе тейнек эряви Очижить ётафтомс», али: «Мезевок явонтт ашуфненди».

Апостолхнень тевсна 10:31

и корхтай тейне: "Корнилий, тонь озондомаце кульф, и Шкайсь мяляфты ашуфненди лездомацень колга.

Апостолхнень тевсна 11:29

Эста тонафнихне састь мяльс кучемс ярмак Иудеяса эряй кемай ялгатненди, эрсь эсь уликсшинц коряс.

Апостолхнень тевсна 16:15

Авась и кудэряензовок кстиндафтсть пря, а сяльде сон эняльдсь тейнек: «Кда афкукс лувсамасть монь Азорти кемай ломанькс, эста сада и эряда пялон». И сон корхтамазь минь.

Апостолхнень тевсна 4:32

Сембе кемайхнень ульсь фкя седисна и фкя ваймосна. Фкявок ломань эсь уликс-паронц эзда мезнятьке ашезе лемне сонценнекс, синь сембосна марстоннель.

Павелонь сёрмац Риму 12:13

Лездода кемай ялгантенди, мзярда синь повихть ашушис, фалу улест панжадот инжихненди кенкшенте.

Павелонь сёрмац Риму 12:20

И нинге тяконь лангс: «Кда душманце вачеда, антк сонь; кда пяк сась симомац, симтьк сонь. Тяфта тиезь, тон вятьсак сонь визькс шамас».

Павелонь сёрмац Риму 16:23

Пара вал кучи тейнть Гаий, монь инжиень кельги азорозе, конань кудса пуромкшни марнек кемаень пуромкссь. Пара вал тейнть Ерастонь, ошень ярмаконь ванфтыть эзда, и Кварт кемай ялганьконь эзда.

Павелонь сёрмац Ефесу 4:28

Кие салсесь, оду тяза салсе, а катк цебярьста покоди эсь кядензон мархта, и улеза сонь мезьста максомс сянди, кие эряй ашушиса.

Павелонь васенце сёрмац Тимофеенди 5:10

и конац содаф, кода цебярь тевонь тии: сон касфтсь-трясь шабат, васьфнесь инжихть, шнись пилькт Шкаень ломаттненди, лезнесь сятненди, конат повсть люпштамас, и мяль вельде тиендсь эрь кодама цебярь тефт.

Павелонь сёрмац Филимононди 1:7

Кемай ялгай, тонь кельгомаце пяк кеняртьфтемань и кемокстамань монь, сяс мес тонь вельдет ваймясть-кемокстасть Шкаень ломаттнень седисна.

Еврейхненди сёрмась 13:16

Тясть юксне паронь тиемать и фкя-фкянди лездомать, сяс мес тяфтама озксказнетне мялезонза Шкайти.

Еврейхненди сёрмась 6:10

Вдь Шкайть аш аф видексшиц и сяс Тейнза аф юкстави тинь покодеманте и кельгоманте, конань тинь няфтесть Тейнза, мзярда лезнеде и нинге лезттада иняруфненди.

Иаковонь сёрмац 1:27

А вага кда минь пичеттяма-канзеттяма стакашис повф уроснень и удаватнень инкса, кда ванфнесаськ эсь пряньконь масторлангонь рдазда, эста покодеманьке ули Шкай Аляньконь инголе арукс и афсатыксфтомокс.