Матфей 25:34 - Од Соткс Новый Завет на мордовском-мокша языке 2016

³⁴ Эста Оцязорсь мярьги види кяденц ширеса ащихненди: "Сада тяза, Монь Алязень кядьса бславафне, сявость Оцязорксшить, кона тейнть аноклафоль нинге масторть тиевомста.

Матфей 25:34 ပူးပေါင်းရင်းမြစ်များ

Матфей 13:35

сяс мес эрявсть пяшкодемс пророкть вельде азф валхне: «Мон карман корхтама тейст валвеляфксса, карман панчсема тейст сянь, мезе кяшфоль менельть-масторть тиеманц ушедомста».

Матфей 19:29

Эрти, кие кадсы Монь инксон эсь кудонц, али брадонзон, али сазоронзон, али алянц, али тядянц, али рьванц, али шабанзон, али паксянзон, максови сядоксть сяда лама и сон сувафтови пефтома пингонь эряфс.

Матфей 20:23

Иисус корхтай тейст: «Монь ризфонь кядьгозень тинь симсасть, а озамс види али кержи кядь ширезон, тя аф Моньцтон ащи: тоза озайхть сят, кинди аноклазень ня васттнень Монь Алязе».

Матфей 21:5

«Азость Сиононь стирти: "Вага, тейть сай тонь Оцязорце. Сон сятяв, и сай озада ава осёл лангса и ашконь кандыть вашенц лангса"».

Матфей 25:21

Азороц корхтай тейнза: "Пара, тон цебярь покодият и лангозт ули кода надиямс. Тонь лангозт ульсь кода надиямс ёмла тевса, и тяни мон максан тейть сяда оцю тев. Сак азорцень илазонза".

Матфей 25:23

Азороц мярьгсь тейнза: "Пара, тон цебярь покодият и лангозт ули кода надиямс. Тонь лангозт ульсь кода надиямс ёмла тевса, тяни мон тейть максан сяда оцю тев. Сак азорцень илазонза".

Матфей 25:40

Оцязорсь тейст корхтай: "Видеста корхтан тейнть: сяс мес тинь тиесть тянь Монь ёмла браднень эзда фкяти, стане тиесть тянь Тейне".

Матфей 25:41

Эста Сон мярьги кержи кяденц ширеса ащихненди: "Аердода эздон, сюдофт, арда адонь пефтома толти, кона аноклаф идемэвозти и сонь ангелонзонды.

Матфей 27:37

Прянц вельхксс повфтасть сёрматфкс, коса азфоль мезьса Сон мувору: «Тя Иисус, Еврейхнень Оцязорсна».

Матфей 3:2

«Шарфтода Шкайти, сяс мес маладсь Менелень Оцязорксшись».

Матфей 5:19

Ся, кие коласы ня кошардомвалхнень эзда хуш инь ёмлать и тянди тонафтсыне лиятнень, ся лувови инь ёмлакс Менелень Оцязорксшиса, а кие пяшкодьсыне кошардомвалхнень и тонафтсыне тянди лиятнень, ся ули Менелень Оцязорксшиса пяк оцюкс.

Марк 10:17

Мзярда Иисус лиссь ки лангс, ласьксь Тейнза фкя ломань, прась инголенза плманжа лангс, и кизефтезе Сонь: «Цебярь тонафты! Мезе тейне эряви тиемс пефтома эряфонь сатоманкса?»

Марк 10:40

но кинь озафтомс Монь види и кержи ширезон – ся аф Монь эздон ащи, ня васттне – сятненди, кинди синь аноклафт».

Лука 11:28

Иисус каршезонза мярьгсь: «Сядонга павазуфт сят, конат кульсазь Шкаень валть и пяшкодьсазь сонь».

Лука 11:50

И сяс тя пингонь ломаттнень кядьста вешеви сембе пророкнень версна, кона пяяртьф масторлангса эряфть ушедомстокиге:

Лука 12:32

Тят пеле, ёмла стада, вдь Алянтень ули паромялец максомс тейнть Оцязорксши.

Лука 19:38

Синь корхнесть: «Бславаф Оцязорсь, кона сай Азорть лемса! Сетьмоши менельса и шнама Инь Вярдень Шкайти!»

Иоанн 1:49

Нафанаил пшкядсь Тейнза: «Равви! Тон – Шкайть Цёрацат, Тон – Израильть Оцязороцат».

Иоанн 12:13

Сявсть пальмань тараткат, лиссть Сонь каршезонза и юватькшнесть: «Осанна! Бславаф Азорть лемса сайсь, Израилень Оцязорсь!»

Иоанн 17:24

Аляй! Монь мялезе: кинь Тон максыть Тейне, катк улихть мархтон тоса, косан Мон, катк няйсазь Монь иневалдозень, конань Тон максыть Тейне, сяс мес кельгомайть Монь менельть-масторть тиемда инголе.

Иоанн 19:15

Но синь кармасть юватькшнема: «Сявк, сявк, эськотьк Сонь крёзти!» Пилат корхтай тейст: «Тинь монь кядьстон ёратада крёз лангс эськотьфтемс эсь Оцязоронтень?» Озксвятиень оцюнятне каршезонза: «Минь аш оцязороньке, кесарьда башка».

Апостолхнень тевсна 15:18

Ушедомок пефтома пингста Шкайти содафт сембе Эсь тевонза".

Апостолхнень тевсна 3:26

И мзярда Шкайсь вельмафтозе Эсь Цёранц, Сон васенда кучезе Сонь тейнть – бславамонт и кяжи тевда аерфтомонт».

Павелонь сёрмац Риму 8:17

А кда минь Шкаень иттяма, эста тейнек максови Сонь надияфтф бславаманц уликс-пароц. Тя козя бславамать уликс-паронц Шкайсь макссы кода Христости, тяфта и тейнек, вдь кда минь Христость мархта маятатама, эста Сонь мархтонза ульхтяма иневалдсонзонга.

Павелонь васенце сёрмац Коринфу 15:50

Но вага мезе азан тейнть, кемай ялгат: сиволень-веронь ронгть аш пяльксоц Шкаень Оцязорксшиса, кода наксадыть-юмайтьке аш пяльксоц пефтома пингса.

Павелонь васенце сёрмац Коринфу 2:9

Кода азф Сёрматфксса: «Сельмось сянь ашезе няе, и пилесь ашезе куле, и ашезь сашенда ломанть пряс ся, мезе Шкайсь аноклась Эсь кельгиензонды».

Павелонь васенце сёрмац Коринфу 6:9

Кали тинь аф содасасть: аф видексшинь ломаттне Шкаень Оцязорксшити аф сувавихть? Тясть васькафне эсь прянтень! Усксевихне, аф афкуксонь шкайхненди сюконяйхне, мирдень-рьвянь полафнихне, алятне аля мархта утцихне,

Павелонь сёрмац Галатияв 5:21

фкя-фкянь аф няемась, шавондоматне, симондемась, иреденьбачк кедьста лисендемась и стак тов. Мон инголивок тянь колга корхнень, тянивок корхтан: кивок тяфта тиендихнень эзда аф сувави Шкаень Оцязорксшити.

Павелонь сёрмац Ефесу 5:5

Вдь тинь содасасть: фкявок усксевить али аф аруть аш пялькссна Христость и Шкайть Оцязорксшисонза, тяфта жа мезьса-бди топафксонь аф содайтьке, сяс мес сон моли аф афкуксонь шкайть мельге.

Павелонь васенце сёрмац Фессалоникав 2:12

минь эняльдеме тейнть, кемокстаме эсонт и пяк вешеме эздонт: эряледе тинь Шкайть мяленц коряс, кона тердедязь тинь Эсь Оцязорксшизонза и иневалдозонза.

Павелонь омбоце сёрмац Тимофеенди 2:12

Кда кирттяма сталмот, Сонь мархтонза азорондамга карматама; Кда мярьктяма: «Минь аф содасаськ Сонь», – эста Сонга мярьги: «Мон аф содатядязь тинь».

Павелонь омбоце сёрмац Тимофеенди 4:8

Тяни тейне ванфневи видексшинь каштазсь, конань тейне макссы Азорсь, видексшинь Судьясь, ся мекольдень шиста. И аф аньцек тейне, а тяфта жа сембонди, конат седи ваксста учсезь Сонь саманц.

Еврейхненди сёрмась 1:14

Дяряй аф сембе ангелхне – тя лезды ваймопожфт? Синь кучфт лездома сятненди, кинди максови идемась.

Еврейхненди сёрмась 11:16

Но синь мяльсноль сатомс сяда цебярь масторть, лиякс мярьгомс, менеленнеть. Вага мес Шкайсь аф визди, мзярда синь лемнесазь Сонь эсь Шкайкс; вдь Сон аноклась тейст ош.

Еврейхненди сёрмась 4:3

А минь, кит араме кемайкс, суватама Сонь ваймама вастозонза, сяс мес Шкайсь мярьгсь: «Кяженьбачк Мон варань: "Мзярдонга аф сувайхть Монь ваймама вастозон"». Сон азозе тянь, хуш менельхнень-масторхнень тиемста сявомок Сонь тевонза ульсть шумордафт.

Еврейхненди сёрмась 9:26

Улендяряль Христоссь синь лацост, эста Тейнза саволь ламоксть маятамс, масторть тиемста сявомок. Меколанкт, тяниень пинкнень песта Сон весть сась тя масторлангти, и максомок Эсь прянц озксказнекс, машфтозе пежеть.

Иаковонь сёрмац 2:5

Кулхцондода, кельгома кемай ялгат: дяряй аф масторлангонь ашуфнень Шкайсь кочказень улемс козякс кемамаса и дяряй аф тейст максозе Эсь Оцязорксшинц, конань Сон надияфтозе Эсь кельгиензонды.

Пёторонь васенце сёрмац 1:9

сяс мес тинь пачкотькшнетяда сянди, мезе вешсь тинь кемаманте – ваймонь идемати.

Пёторонь васенце сёрмац 3:9

Тяда панда кяжть инкса кяжса али сялдомать инкса сялдомаса. Меколанкт, бславасть сянь, кие тинь обжадязь. Тинь содасать: тяфта тиендема тердедязь Шкайсь. Эста Сон тиньге бславатядязь.

Иоаннонди панчф няйфкс 13:8

И комайхть инголенза масторлангонь сембе эряйхне, конатнень лемсна, ушедомок менельть-масторть тиемста, апак сёрматт эряфонь книгати. Тя книгась Верозть кядьса, кона печкфоль озксказненди.

Иоаннонди панчф няйфкс 17:8

Тя кяжи жуватась, конань тон няить, мзярда-бди ульсь, а тяни аш. Но сон лиси потмаксфтома томбаста и тяда меле моли аду. Масторлангонь эряйхне, конатнень лемсна, ушедомок менельть-масторть тиемста, апак сёрматт эряфонь книгати, кармайхть дивандама, мзярда няйсазь кяжи жуватать, сяс мес сон ульсь, тяни сон аш, но сон кармай улема.

Иоаннонди панчф няйфкс 19:16

Щамонц лангса, пукша видесонза, тяштьф лем: «Оцязорхнень Оцязорсна и азорхнень Азорсна».

Иоаннонди панчф няйфкс 21:7

Семботь тянь Мон максса сяськити, и улян тейнза Шкайкс, сон – Тейне идькс.

Иоаннонди панчф няйфкс 5:10

Тон тиемасть минь оцязоркс и минь Шкаеньконди озксвятикс, и минь карматама оцязорондама масторлангса».