Матфей 24:45 - Од Соткс Новый Завет на мордовском-мокша языке 2016

⁴⁵ «Уледа ёню и кулхцонды покодить лаца, конань азорсь путозе сембе покодиензон лангса оцюнякс – эсь пингстонза ярхцамбялень макссема.

Матфей 24:45 ပူးပေါင်းရင်းမြစ်များ

Матфей 10:16

Вага, Мон кучтядязь тинь, кода учатнень врьгаснень ёткс: уледа куй лаца смузюкс и гуляня лаца сятявкс.

Матфей 13:52

Эста Иисус мярьгсь каршезост: «Сяс койти эрь тонафтысь, кона арась тонафникс Шкаень Оцязорксшиса, шарксты стама кудазор лангс, кона лихнесы кяшф козяшистонза одтьке-ташттьке».

Матфей 24:46

Павазу ся покодись, конань азороц мрдамстонза сатсы тяфта тиендикс.

Матфей 25:2

Вететне эздост ульсть ёнюфт, а вететне – ёньфтомот.

Матфей 25:21

Азороц корхтай тейнза: "Пара, тон цебярь покодият и лангозт ули кода надиямс. Тонь лангозт ульсь кода надиямс ёмла тевса, и тяни мон максан тейть сяда оцю тев. Сак азорцень илазонза".

Матфей 25:23

Азороц мярьгсь тейнза: "Пара, тон цебярь покодият и лангозт ули кода надиямс. Тонь лангозт ульсь кода надиямс ёмла тевса, тяни мон тейть максан сяда оцю тев. Сак азорцень илазонза".

Матфей 7:24

«Тяфта, кие кулхцондсыне Монь ня валнень и тии синь коряваст, ули ёню ломань лаца, кона путозе эсь кудонц кев лангс.

Лука 19:17

Азорсь мярьгсь тейнза: "Пара, цебярят покодись. Сяс мес тонь лангозт ульсь кода надиямс ёмла тевса, сяфть эсь вятемацень алу кемонь ошт".

Апостолхнень тевсна 20:28

Ванода эсь мельгант и марнек стадать мельге, конань ваномонза ладядязь Иняру Ваймопожфсь. Ваность Азорть и Шкайть кемаень пуромксонц, конань Сон рамазе Эстейнза веронц питнеса.

Павелонь васенце сёрмац Тимофеенди 1:12

Сюконян Христос Иисус Азороньконди, конац макссь тейне вий. Сюконян Тейнза, сяс мес Сон лувомань валонь кирдикс и путомань тевсонза покодикс,

Павелонь омбоце сёрмац Тимофеенди 2:2

И ся, мезе кулеть монь эздон лама ломанень инголе, пачфтьк валонь кирди кемайхненди, конат маштольхть тонафтомс и лиятненьге.

Еврейхненди сёрмась 3:5

Моисей ульсь покодикс, кона тиендсь Шкайть мяленц коряс сембе Шкаень кудонь тефнень эса, и тейнза ульсь максф няфтемс сянь, мезе Шкайть мялецоль азомс сай пингонь эряйхненди.

Иоаннонди панчф няйфкс 2:13

Мон содасайне тонь тефнень, и содаса, тон эрят тоса, коса кемокстазе озама вастонц Сатанась. Но тон ванфтсак Монь лемозень и ашеть лотка Тейне кемамда нльне эстонга, мзярда тинь ошсонт, коса эряй Сатанась, ульсь шавф Антипа, седи ваксста Монь колган азондысь.