Матфей 23:34 - Од Соткс Новый Завет на мордовском-мокша языке 2016

³⁴ Кулхцондода! Мон кучан тейнть пророкт, смузю ломатть и койти тонафтыхть. Кой-конатнень синь ёткстост тинь шавсасть и эськодьсасть крёз лангс, а лиятнень карматада пикссемост эсь синагогавант и панцемост ошста ошс.

Матфей 23:34 ပူးပေါင်းရင်းမြစ်များ

Матфей 10:23

Мзярда кармайхть панцемонт фкя ошса, ворьгодеда лияс. Видеста корхтан тейнть: аф кенерьхтяда ётамс Израильть сембе ошензон, кода сай Ломанень Цёрась.

Матфей 13:52

Эста Иисус мярьгсь каршезост: «Сяс койти эрь тонафтысь, кона арась тонафникс Шкаень Оцязорксшиса, шарксты стама кудазор лангс, кона лихнесы кяшф козяшистонза одтьке-ташттьке».

Матфей 23:31

Тяфта тинь тинць корхтатада эсь лангозонт, няфтьсасть: тинь сятнень цёраснотада, конат шавондозь пророкнень.

Лука 24:47

И Сонь лемсонза эряви тердемс сембе ломаньтналхнень шарфтомс Шкайти пежеснон нолдафтоманкса. Ушедода Иерусалимста.

Иоанн 16:2

Паттядязь тинь синагогаста, и сай нинге стама пинге, мзярда тинь шавондыенте кармайхть арьсема – тянь вельде сюконяйхть-покодихть Шкайти.

Иоанн 20:21

Иисус мярьгсь тейст омбоцеда: «Сетьмоши тейнть! Кода Алязе кучемань Монь, стане Монга кучтядязь тинь».

Апостолхнень тевсна 1:8

Но мзярда лангозонт валги Иняру Ваймопожфсь, тейнть максови вий и карматада азондома ломаттненди семботь, мезе содатада колган – Иерусалимса и марнек Иудеяса, Самариясонга и мянь модать пенц самс».

Апостолхнень тевсна 11:27

Сяка пингть Иерусалимста Антиохияв сась мзярошка пророк.

Апостолхнень тевсна 12:2

Сон торса керфтозе Иоаннонь брадонц Иаковонь прянц.

Апостолхнень тевсна 13:1

Антиохияса, тостонь кемаень пуромксса ульсть пророкт и тонафтыхть: Варнава, Симеон, кона лемневсь Нигеркс, Киринеяста Луций, Манаил, кона марса кассь Ирод оцюнять мархта, и Савл.

Апостолхнень тевсна 14:19

мзярда апостолхне мезьдонга аф пелезь азондсть Шкаень вал, Антиохияста и Иконияста састь еврейхть и кемафтозь ломаттнень аердомс эздост, корхтасть: «Синь корхтамасост аш мезевок виде, а сембось васькафнема». И ладязь ломаттнень каршезост. Синь пикссезь Павелонь кевса и ускозь сонь пакся ушу, арьсесть куломс шавозь.

Апостолхнень тевсна 15:32

Иуда и Сила, конат кафцьке ульсть прорококс, ламос корхтасть кемай ялгатнень мархта и эсь валсост петезь синь мяльснон, и кемокстазь ваймоснон.

Апостолхнень тевсна 5:40

Синь мяльс путозь Гамалиилонь валонзон. Меки тердезь апостолхнень, пикссефтезь, кардазь корхтамда Иисусонь лемса и нолдазь.

Павелонь васенце сёрмац Коринфу 2:6

Минь азондсаськ смузьшить сятненди, кит кенерсть тянди, но тя аф масторлангонь смузьши и аф тя масторлангонь азорхнень смузьшисна, конатнень шисна ни лувфт.

Павелонь васенце сёрмац Коринфу 3:10

Шкайть эзда максф пароказнеть коряс мон, кудонь ёню путыть лаца, путонь кудъюр, а кие-бди лиясь стяфты лангозонза. Катк ина эрсь ваны эсь мельганза, кода сон путы-стяфты.

Павелонь сёрмац Колоссав 1:28

Минь пачфнесаськ Христость колга Кулять, путнетяма ёньц и тонафттама эрь ломанть эса. Минь нолясаськ тевс сембе смузьшить, сяс мес надиятама тиемс эрть афсатыксфтомокс Христос Иисусса.

Павелонь васенце сёрмац Фессалоникав 2:16

Синь шоряйхть тейнек кандомс Шкаень валть лия ломаньтналхненди и вятемс синь идемати. Тяфта синь пяшкотькшнесазь-ламолгофнесазь пежеснон сталмоснон. Но Шкаень кяжсь синь пряснон вельхксса ни.

Еврейхненди сёрмась 11:37

Синь шавондозь кевса, керсезь кафтова, синь маятафтозь и сялгондозь торса. Синь якасть-шяясть верозонь и сявань кедьста тиф щамса, кирдсть ашуши, люпштамат и пикссемат-маятамат.

Иоаннонди панчф няйфкс 11:10

Кафта пророкнень куломасна арай кенярдемакс масторлангса эряйхненди, сяс мес ня кафттне синь маятафтозь. Масторлангонь эряйхнень сявсыне кеняртькшнема, синь кармайхть ётафнема илат и кучсема фкя-фкянди казнет.