Матфей 21:39 - Од Соткс Новый Завет на мордовском-мокша языке 2016

³⁹ Синь фатязь сонь, лихтезь виноградонь переста и шавозь.

Матфей 21:39 ပူးပေါင်းရင်းမြစ်များ

Матфей 21:38

Но виноградонь касфтыхне цёранц няемста мярьгсть фкя-фкянди: "Тя азорть юромонь поладыец, эрьда шавсаськ сонь, и тейнза аноклаф уликс-парось ляды тейнек".

Матфей 21:40

Тяфта, мзярда сай виноградонь перень азорсь, мезе тии синь мархтост?» – кизефтезень Иисус.

Матфей 26:50

Иисус корхтай тейнза: «Ялгай, мезенди тон сать?» Эста лиятневок нажядсть Иисусонди, фатязь Сонь, и сявозь пякстамс.

Матфей 26:57

Иисусонь фатяенза вятезь Сонь Каиафа озксвятиень оцюняти. Тоза пуромсть ни койти тонафтыхне и ломаньтналонь оцюнятне.

Иоанн 18:12

Эста Римонь ушматтне оцюняснон мархта и Шкаень кудонь ваныхнень мархта сявозь Иисусонь и сотнезь Сонь.

Иоанн 18:24

Анна кучезе Иисусонь сотнефста Каиафа озксвятиень оцюняти.

Апостолхнень тевсна 2:23

Сонь, Иисусонь, максозь тинь кядезонт Шкайть арьсефонц коряс и инголькиге содаманц коряс, и тинь коень аф содайхнень кядьснон вельде эськодесть Сонь крёзти, и шавость.

Апостолхнень тевсна 4:10

эста улеза содаф сембонди тейнть и Израилень марнек ломаньтналти: тя ломанць ащи шумбраста инголент Назаретонь Иисус Христость лемонц вельде, ся Иисусть, конань тинь эськодесть крёзти и конань Шкайсь вельмафтозе кулофнень эзда.

Апостолхнень тевсна 5:30

Тинь шавость Иисусонь, эськодесть крёз лангс, но атянь-атяньконь Шкаец вельмафтозе Сонь кулофста.

Апостолхнень тевсна 7:52

Кинь пророкнень эзда ашезь панце тинь алянте? Синь шавозь сятнень, кит кунардонь пингть инголькиге азсть Видексшинь Тиить саманц колга, Сянь, конань тинь ня шитнень мисть и шавость!

Иаковонь сёрмац 5:6

Тинь судендасть и шавость видексшиса эряйть, а сон ашезь уле каршек тейнть.