Матфей 21:33 - Од Соткс Новый Завет на мордовском-мокша языке 2016

³³ «Кулхцондода лия валвеляфкс, – поладозе Иисус. – Фкя кудазорсь озафтсь виноградонь пере, перязе сонь, шувсь тоза виноградонь люпштамс лотка и тись ванфтома башня. Сяльде максозе переть мзярошка пингс виноградонь касфтыхненди, а сонць тусь лия мастору.

Матфей 21:33 ပူးပေါင်းရင်းမြစ်များ

Матфей 13:18

«Тяни кулхцондость, кодама смузец видить колга валвеляфксть:

Матфей 20:1

«Менелень Оцязорксшись кудазор лаца, кона лиссь валдашкодомшовор виноградонь перезонза покаень сиводема.

Матфей 21:28

«А мезе тинь астада вага тянь колга? Фкя ломанть ульсть кафта цёранза. Сон нажядсь васенцети и мярьгсь: "Цёрай, архт покак тячи монь виноградонь пересон".

Матфей 23:2

«Койти тонафтыхне и фарисейхне арасть Моисеень вастс койть смузенц панчсема.

Марк 13:34

Тя сянь лаца: мзярда ломанць оцю кис тумстонза и кудонц кадомстонза, макссь эсь покодиензонды азорксши и эрти эздост тев, и орта ваныти мярьгсь ваномда и улемс анококс.

Лука 19:12

Сон мярьгсь: «Фкя цебярь юромонь ломань тусь ичкоздень масторс ва мезенкса: максолезь тейнза оцязорксшить и мрдаль меки.

Иоанн 15:1

«Мон афкуксонь виноградонь кусторксан, а Монь Алязе – виноградонь перень касфты.