Матфей 16:21 - Од Соткс Новый Завет на мордовском-мокша языке 2016

²¹ Ся пингста сявомок Иисус апак сёпт кармась азондома тонафниензонды: Тейнза сави молемс Иерусалиму и кирдемс лама маятамада ломаньтналонь оцюнятнень, озксвятиень оцюнятнень и койти тонафтыхнень эзда, и Сон ули шавф, а колмоце шиня вельмай кулофста.

Матфей 16:21 ပူးပေါင်းရင်းမြစ်များ

Матфей 12:40

Кода Иона ульсь оцю калть потмоса колма шит и колма вет, стане Ломанень Цёраське ули модать потмоса колма шит и колма вет.

Матфей 16:22

Эста Пётр сявозе Иисусонь шири и кардазе тяфта корхтамда: «Катк ванфттанза Шкайсь! Катк Тонь мархтот, Азор, тяфта аф ули!»

Матфей 16:28

Видеста корхтан тейнть: тяса ащихнень ёткса улихть стапт, конат нинге аф кенерихть куломс, кода няйсазь Ломанень Цёрать, кона сай Эсь Оцязорксшисонза».

Матфей 17:12

Но азса тейнть, Илиясь сась ни, а ломаттне сонь ашезь сода, и тисть мархтонза, кода мяльсноль. Стане Ломанень Цёративок сави кирдемс синь кядьстост лама маятама».

Матфей 17:9

Пандть пряста валгомста Иисус кардазень тонафниензон: «Киндивок тяда азонда, мезе няеде, мзярс Ломанень Цёрась аф вельмай кулофста».

Матфей 20:28

Ломанень Цёраське сась аф Эсь лангозонза лиятнень покотьфтома, меколанкт Сон сась покодема лиятненди и максомс Эсь эряфонц ламотнень идемаснон инкса».

Матфей 26:2

«Тинь содасасть: кафта шида меле Очижись. Эста Ломанень Цёрать мисазь и эськодьсазь крёз лангс».

Матфей 26:47

И мзярда Иисус нинге корхтась, сась Иуда, кемгафтува тонафниензон эзда фкясь. Сонь мархтонза сась тор и пяль мархта лама ломань, конатнень кучезь озксвятиень оцюнятне и ломаньтналонь оцюнятне.

Матфей 27:12

А мзярда озксвятиень оцюнятне и ломаньтналонь оцюнятне муворгофнезь Сонь, Сон каршезост мезевок изь корхта.

Матфей 27:63

и мярьгсть: «Азор! Минь лятфтаськ, кода тя васькафнись нинге шиса улемстонза мярьгсь: "Колма шида меле Мон вельман".

Матфей 28:6

Сон тяса аш, Сон вельмась, кода и корхтась. Маладода и ваность вастть, коса ащесь Азорсь.

Марк 8:31

Иисус ушедсь тонафтома эсост: «Ломанень Цёрати сави лама маятамс. Сонь эздонза потайхть ломаньтналонь оцюнятне, озксвятиень оцюнятне и койти тонафтыхне. Сонь шавсазь, но колмоце шиня Сон вельмай кулофста».

Марк 9:12

Сон каршезост мярьгсь: «Виде, васенда сама Илиянди и сон семботь путсы эсь вастованза. И Ломанень Цёрать колга сёрматф: Тейнза сави кирдемс лама маятамада и сялдомада.

Лука 17:25

Но Тейнза тяда инголе сави кирдемс лама маятамада, и тяниень пингонь ломаттне аердыхть эздонза.

Лука 24:46

Сон мярьгсь тейст: «Тяфта сёрматф: Христости эрявсь маятамс и колмоце шиня вельмамс кулофнень эзда.

Лука 9:31

Синь састь менелень иневалдса, и корхнесть Иисусонь эряфонц шумордаманц колга, конань Тейнза эряволь пяшкодемс Иерусалимса.