Матфей 13:21 - Од Соткс Новый Завет на мордовском-мокша языке 2016

²¹ но сонь аш кеме юроц, сяс сонь кемамац аф лама пингс. И мзярда валть инкса кармайхть люпштамонза и панцемонза, сон эстокиге потай кемамада.

Матфей 13:21 ပူးပေါင်းရင်းမြစ်များ

Матфей 10:22

Монь лемозень инкса кивок аф кармай кельгомонт, но кие кирди петь самс, ся идеви.

Матфей 11:6

Павазу ся, кие аф юмафтсы Тейне кемамать».

Матфей 13:20

А кеву вастс видеф видьмось тя ся, кие марясы валть и эстокиге кенярдезь путсы седизонза;

Матфей 13:57

Сяс синьге ашесть кема Тейнза. Но Иисус мярьгсь каршезост: «Пророксь кирдеви пара лувксса сембе вастова, но аньцек аф эсь ошсонза и аф эсь кудсонза».

Матфей 13:6

Мзярда кеподсь шись, сон пидезень лисьфкятнень и синь пужсть, сяс мес юрсна ульсть аф кемот.

Матфей 24:13

А кие кирди петь самс, ся идеви.

Матфей 26:31

Эста Иисус корхтай тейст: «Тя веня тинь сембе Монь эздон потатада, вдь азф Сёрматфксса: "Шавса учань ваныть и учатне срадыхть".

Матфей 26:33

Пётр корхтай каршезонза: «Кда мянь сембе Тонь эздот потайхть, мон тянь мзярдовок аф тиса».

Марк 4:17

Но сяс мес эсост аш юрхт, синь кирдихть аф куватьс. Сяльде, мзярда валть инкса кармайхть люпштамост али панцемост, синь эстокиге потайхть кемамада.

Лука 8:13

Кеву вастс прафне – нят сят, кит валть кулемста кенярдезь путсазь сонь седизост, но синь аш юрсна, сяс аф ламос кемайхть и стакашиса варчсемста потайхть кемамада.

Иоанн 6:26

Иисус каршезост мярьгсь: «Видеста корхтан тейнть: тинь Монь вешендьсамасть аф сяс, мес няендесть тяштьксонень, а сяс, мес ярхцаде кшида и топодеде.

Павелонь сёрмац Риму 2:7

Сятненди, конат апак сизек тиендихть пара тефт и вешендихть Шкайть эзда шнама, пара лем и аф кулома, Шкайсь максы пефтома эряф;

Павелонь сёрмац Галатияв 5:6

Вдь, кда минь сотофтама Христос Иисусонь мархта, эста сембе сяка – керф киськопеньке али аф. Эряви аньцек кемама, кона няфтеви кельгомаса.

Павелонь сёрмац Галатияв 6:12

Сят, конат кошардыхть эсонт киськопень керфтома, пяк ёрайхть тумс ломаттнень мяльс. Синь тянь тиендьсазь аньцек сяс, мес ёрайхть ванфтомс пряснон Христость крёзонц инкса панцемада.

Павелонь сёрмац Галатияв 6:15

Вдь керфат тон али аф, тя мезевок аш Иисус Христосонь эса. Сембода эрявикссь – эряви арамс Шкаень од тифокс.

Павелонь сёрмац Ефесу 3:17

и кемамать вельде седисонт кармай улема Христоссь.

Павелонь сёрмац Филиппав 1:6

И мон кемоста содаса: Ся, кие ушедозе эсонт тя цебярь тевть, шумордасы сонь Христос Иисусть сама шинцты.

Павелонь омбоце сёрмац Тимофеенди 1:15

Тон содасак: Асияса сембе шарфтсть эздон, синь лувкссост – Фигеллонь мархта Ермогенга.

Павелонь омбоце сёрмац Тимофеенди 4:10

Сяс мес Димассь, конанди кельговсь тя пингонь эряфсь, кадомань монь и тусь Фессалонику. Крискентсь тусь Галатияв, Титсь – Далматияв. Мархтон илядсь аньцек ськамонза Лука.

Иаковонь сёрмац 3:2

Минь сембе тиенттяма лама пежеда. А кие корхтамста аф тии пеже, ся сембе ширде цебярь ломань, конанди овстави марнек ронгоцка.

Пёторонь васенце сёрмац 1:5

А тинь, кемамантень вельде, ванфнетядязь Шкаень вийсь, кона вяттядязь идемас. Тя идемась анок ни и панжеви пингть мекольдень шистонза.

Иоаннонди панчф няйфкс 2:13

Мон содасайне тонь тефнень, и содаса, тон эрят тоса, коса кемокстазе озама вастонц Сатанась. Но тон ванфтсак Монь лемозень и ашеть лотка Тейне кемамда нльне эстонга, мзярда тинь ошсонт, коса эряй Сатанась, ульсь шавф Антипа, седи ваксста Монь колган азондысь.