Матфей 12:31 - Од Соткс Новый Завет на мордовском-мокша языке 2016

³¹ Сяс корхтан тейнть: эрь кодама пежесь и сялдомась нолдави ломаттненди; а Иняру Ваймопожфть сялдомац – аф нолдави.

Матфей 12:31 ပူးပေါင်းရင်းမြစ်များ

Лука 12:10

Эрсь, кие сялдсы Ломанень Цёрать, сянь пежец нолдави; а кие сялдсы Иняру Ваймопожфть, сянь пежец аф нолдави.

Апостолхнень тевсна 7:51

Аф кулхцонды ломатть, кинь седисна аф содасазь Шкайть, кинь пилесна аф кульсазь видешить! Тинь фалу моледе Иняру Ваймопожфть каршес – алянтевок, тиньге!

Еврейхненди сёрмась 10:26

Вдь кда минь, конатненди максф содамс видешить, шарьхкодезь тиенттяма пежет, эста минь пеженьконь инкса аш кодамовок озксказне.

Еврейхненди сёрмась 10:29

Арьседа, конашкава сяда стака наказама учсы сянь, кие пильгса тапсесы Шкаень Цёрать и аф лувсы инярукс сотксонь верть, конаса сон ульсь иняруяфтф, и кие пароказнень Ваймопожфть сялдсы!

Еврейхненди сёрмась 6:4

Аш кода меки путомс виде ки лангс сятнень, кит прокс тусть-потасть Христости кемамать эзда. Вдь синь весть ни ульсть валдошисонза, варчсезь менелень казнеть таньфонц и тейст минь мархтонк марса максфоль Иняру Ваймопожфсь.

Иоаннонь васенце сёрмац 1:9

А кда минь виденцятама Шкайть инголе эсь пеженьконь колга, эста Шкайсь нолдасыне пеженьконь и аруяфтсамазь эрь кодама аф видешить эзда, сяс мес Сон кирдьсы максф валонц и тиенди видексшить коряс.

Иоаннонь васенце сёрмац 5:16

Кда кие няйсы кемай ялганц пежень тиема, но аф стама пежень, кона вяти куломас, ся катк озонды ялганц инкса, и Шкайсь максы ялганцты эряф. Тяса мон корхтан сятнень колга, кинь пежесна аф вятихть куломас. Но ули тяфтама пеже, кона вяти куломас, и тяфтама пежень тиить инкса мон аф тердян озондома.