Матфей 12:14 - Од Соткс Новый Завет на мордовском-мокша языке 2016

¹⁴ Эста фарисейхне лиссть и кармасть арьсема, кода машфтомс Иисусть. Содамок тянь колга, Иисус тусь ся вастста.

Матфей 12:14 ပူးပေါင်းရင်းမြစ်များ

Матфей 26:4

и арьсесть эсь ётковаст, кода салава кундамс Иисусонь и шавомс Сонь.

Матфей 27:1

Валдашкодомшовор сембе озксвятиень оцюнятне и ломаньтналонь оцюнятне эсь ётковаст корхтамста састь мяльс шавомс Иисусонь.

Марк 14:1

Кафта шида меле улемаль евреень Очижити и аф шапама кшинь илати. Озксвятиень оцюнятне и койти тонафтыхне вешендсть, кода васькафтозь кундамс Иисусонь и шавомс Сонь.

Марк 3:6

Фарисейхне лиссть и Иродонь ширенц кирдиензон мархта эстокиге кармасть арьсема, кода шавомс Иисусонь.

Лука 22:2

Озксвятиень оцюнятне и койти тонафтыхне пельсть ломаттнень эзда, сяс синь ламос синнезь пряснон, кода машфтомс Иисусонь.

Лука 6:11

Койти тонафтыхне и фарисейхне тянь няемста лиссть эсьстост кяжть эзда. Синь кармасть эсь ётковаст латцемонза, мезе тиемс Иисусонь мархта.

Иоанн 10:31

Еврейхне тяса тага фатнесть кефт Сонь шавомс.

Иоанн 10:39

Эста тага ёразь кундамс Иисусть; но Сон ворьгодсь эздост.

Иоанн 11:53

Тя шиста сявомок синь арьсекшнезь, кода Сонь шавомс.

Иоанн 11:57

Озксвятиень оцюнятне и фарисейхне Иисусть кундаманкса кошардозь ломаттнень: «Кда кие содасы, коса Иисус, катк азсы тейнек».

Иоанн 5:18

Эста еврейхнень оцюняснон нинге сяда пяк кемокснесь мяльсна шавомс Сонь, сяс мес Сон аф аньцек колсезе ваймамань шить, но и Шкайть лемнезе Эстейнза Алякс, тянь мархта латцезе Эсь прянц ряцок Шкайть мархта.

Иоанн 7:30

Синь мяльсноль кундамс Иисусть; но кивок ашезе кеподе лангозонза кяденц, сяс мес нинге ашезь са Сонь пингоц.

Иоанн 7:32

Фарисейхне марязь Иисусонь колга корхнематнень, и синь марса озксвятиень оцюнятнень мархта кучсть Шкаень кудонь ваныхть Сонь кундамонза.

Иоанн 7:44

Кой-конатне ёразь кундамс Сонь; но кивок ашезе кеподе лангозонза кяденц.

Иоанн 8:59

Эста синь кочкасть кефт лангозонза ёрямс; но Иисус кяшсь, лиссь Шкаень кудста, ётась синь ётковаст и тусь сяда тов.