Марк 9:50 - Од Соткс Новый Завет на мордовском-мокша языке 2016

⁵⁰ Салсь цебярь парши: аньцек юмафтондярясы эсь салушинц, кода арай меки салукс? Кирдесть эсьсонт салть, и эряда ялгаксшиса фкя-фкянь мархта».

Марк 9:50 ပူးပေါင်းရင်းမြစ်များ

Матфей 5:13

«Тинь – модать салоц. Кда салсь юмафтсы таньфонц, кода тисак сонь меки салукс? Сон козовок ни аф кондясти, лядонды аньцек ёрдамс ломанень пильгалу.

Марк 9:34

Синь кашт исть моле, сяс мес ки лангса корхнесть, кие ёткстост сембода оцю.

Марк 9:49

Вдь толонь пачк ётазь эрь ломанць салыяй и эрь озксказнеське салыяфневи салса.

Павелонь сёрмац Риму 12:18

Эсь пяльдент тиесть семботь лиятнень мархта ладязь эряманкса.

Павелонь омбоце сёрмац Коринфу 13:11

Меколи, кемай ялгат, мярьган: кеняртькшнеда, петнесть-ладясть эсь эряфонтень, ваймафтода-кемокстада фкя-фкянь, уледа сембе фкя мяльса, ладяда фкя-фкянь мархта – и Шкайсь, кельгомань и сетьмошинь лихтибрясь, ули мархтонт.

Павелонь сёрмац Галатияв 5:22

Но Ваймопожфсь касфтсы Эсь иможенц. Тя: кельгомась, кенярдемась, сетьмошись, куватьс кирдемшкась, парошись, ляпошись, кемамась,

Павелонь сёрмац Ефесу 4:29

Тяза лисе кургстонт кодамовок наксада вал, а аньцек цебярь валхт, конат лездыхть кемамать касоманцты и кандыхть пара кулхцондыти.

Павелонь сёрмац Филиппав 1:27

Аньцек эряда Христость Пара кулянц оцю питненц коряс. Эста мон, кда саян и няйхтядязь тинь, али кда аф саван, кульса колгант: тинь кемоста ащетяда фкя ваймоса и фкя мяльса вяттяда тюрема Пара кулянь кемамать инкса.

Павелонь сёрмац Колоссав 3:12

Тинь Шкаень кочкафне, Сонь иняру и кельгома ломаненза. Сяс уледа кельгозь ужяльдикс, лиянди паронь тиикс, сятявкс, ляпе седикс и куватьс кирдикс.

Павелонь сёрмац Колоссав 4:6

Улеза тинь корхтаманте лямбе и туза ломаттнень мяльс, кода салса почетф ярхцамбяльсь. Маштода эрть каршес максомс эрявикс вал.

Павелонь васенце сёрмац Фессалоникав 5:13

Кельгость и лувость синь пяк питникс ся тевть инкса, конань синь тисазь. Ладяда фкя-фкянь мархта.

Павелонь омбоце сёрмац Тимофеенди 2:22

Од ломанень пси-лакай маряматнень эзда тук ласькозь. Сатнек видексшить, кемамать, кельгомать, сетьмошить сембонь сятнень мархта, кит ару седиса тернесазь Азорть лездомс.

Еврейхненди сёрмась 12:14

Сатнеда сетьмоши сембонь мархта и эряда инярушиса, конафтома кивок аф няйсы Азорть.

Иаковонь сёрмац 1:20

Кяженьбачк ломанць аф тии Шкайть видексшинь мяленц коряс.

Пёторонь васенце сёрмац 3:8

И мекольцесь, уледа сембе фкя мяльса, марясть лиятнень седиень сярятьфснон, сембе седиса кельгода фкя-фкянь, ванфнесть ялгаксшить эсь ётковант и уледа сетьме ваймокс.