Марк 9:23 - Од Соткс Новый Завет на мордовском-мокша языке 2016

²³ Иисус мярьгсь тейнза: «Кда Тейть мезе тиеви? Сембось тиеви сянди, кие кемай».

Марк 9:23 ပူးပေါင်းရင်းမြစ်များ

Матфей 14:29

Иисус мярьгсь: «Сак». Пётр кадозе венчть и ведть ланга тусь Иисусонь шири.

Матфей 17:20

Иисус каршезост мярьгсь: «Сяс мес тинь ёмла кемаманте. Видеста корхтан тейнть, кда улель тинь кемаманте хуш горчицань видьмоняшка, и тинь мярьголеде тя пандти: "Ётак тяста тоза", – сон ёталь. Эста мезевок аф тиевикс аф ули тейнть.

Марк 11:23

Видеста корхтан тейнть, кда кие мярьги тя пандти: "Кепотть и ёрдак пря оцюведти", и седиец аф кармай абонкшнема, но кармай кемама: лиси валонзон коряс, – тяфта и ули.

Марк 9:22

Ламоксть кяжи ваймопожфсь ёрязе сонь толтиге и ведтиге, ёразе шавомс. Но кда Тейть мезе тиеви, ужяльдемасть и лезтт тейнек!»

Марк 9:24

Эстокиге цёранять аляц ювадсь: «Мон кеман, Азор! Лезтт тейне кемамс!»

Лука 17:6

Азорсь мярьгсь: «Кда тинь кемаманте улель хуш горчицань видьмоняшка и тинь мярьголеде тя оцю шуфтти: "Таргак эсь пряцень юрнек и озафтк оцюведьс", эста сон кулхцондоледязь».

Иоанн 11:40

Иисус корхтай тейнза: «Дяряй ашень мярьге Мон тейть: кда кармат кемама, няйсак Шкайть оцюшинц?»

Апостолхнень тевсна 14:9

Тя алясь кулхцондозе Павелонь корхтаманц. Павел варжакстсь лангозонза и няезе: тя ломанть стама кемамац, конань вельде сон пчкафтови.

Еврейхненди сёрмась 11:6

А кемамафтома аш кода тумс Шкайть мяльс. Сяс мес эрти, кие сашенды Тейнза, эряви кемамс: Шкай ули и Сон казьсыне сятнень, кит вешендьсазь Сонь.