Марк 8:38 - Од Соткс Новый Завет на мордовском-мокша языке 2016

³⁸ Кие виздьсамань Монь и Монь валнень тяниень пежу и Шкайти полафни ломаттнень инголе, сянь Ломанень Цёраське виздьсы, мзярда сай Эсь Алянц иневалдса иняру ангелхнень мархта».

Марк 8:38 ပူးပေါင်းရင်းမြစ်များ

Матфей 12:39

Но Иисус каршезост мярьгсь: «Тяниень пингонь кяжи и Шкайти полафни ломаттне вешендихть тяштькс, аньцек Иона пророкть тяштькстонза башка, лия тяштькс аф максови тейст.

Матфей 13:41

Ломанень Цёрась кучсыне ангелонзон, и синь кочксазь Сонь Оцязорксшистонза сембонь сятнень, кит вятнезь ломаттнень пежес и кит колсезь койть,

Матфей 16:27

Вдь Ломанень Цёрась сай Алянц иневалдсонза и Эсь ангелонзон мархта, и эста эрь ломанть казьсы тиф тевонзон коряс.

Матфей 16:28

Видеста корхтан тейнть: тяса ащихнень ёткса улихть стапт, конат нинге аф кенерихть куломс, кода няйсазь Ломанень Цёрать, кона сай Эсь Оцязорксшисонза».

Матфей 16:4

Тяниень пингонь кяжи и Шкайти полафни ломаттне вешендихть тяштькс, но Иона пророкть тяштькстонза башка лия тяштькс аф ули тейст». Иисус кадозень синь и тусь.

Матфей 24:30

Эста менельса эвондай Ломанень Цёрать тяштьксоц. Масторлангонь сембе ломаньтналхне аварьгодыхть вярьгак вайгяльхть, мзярда няйсазь Ломанень Цёрать, кона сай менелень коволхнень лангса Эсь вийсонза и оцюдонга оцю иневалдсонза.

Матфей 25:31

«Мзярда Ломанень Цёрась сай Эсь иневалдсонза сембе ангелонзон мархта, Сон озай азоронь иневалдонь вастозонза.

Матфей 26:64

Иисус каршезонза корхтай: «Тон тянь азыть. И нинге тейнть мярьган: курок тинь няйсасть Ломанень Цёрать, кона ащи озада Виить види кядь ширесонза и кона сай менелень коволхнень лангса».

Матфей 8:20

Иисус корхтай тейнза: «Келаснень улихть варясна, менелень нармоттнень – пизосна, а Ломанень Цёрати аш коза путомс прянц».

Марк 13:26

Эста няйсазь Ломанень Цёрать инь оцю вийсонза и иневалдсонза коволхнень лангса саманц.

Марк 14:62

Иисус мярьгсь: «Тя Монан; и тинь карматада няемонза Ломанень Цёрать, кона ащи озада Виить види кядь ширесонза и кона сай менелень коволхнень лангса».

Марк 8:37

Али мезе максы ломанць эсь ваймонц мрдафтоманкса?

Лука 19:26

"Мон корхтан тейнть, – мярьгсь оцязорсь, – эрти, кинь ули, нинге максови, а кинь аш, сянь кядьста сявови сявок, мезец ули.

Лука 9:26

Кие виздьсамань Монь и Монь валнень, сянь Ломанень Цёраське виздьсы, мзярда сай Эсь иневалдсонза, Алянц и Шкаень ангелхнень иневалдсост.

Иоанн 1:14

Валсь арась ломанькс и эрясь ётксонк пароказнеда и видешида пяшкотьфста. И минь няеськ Сонь оцюшинц, ся оцюшить, кона максф фкя-тяка Цёрати Алянц эзда.

Иоанн 1:51

И поладозе: «Видеста корхтан тейнть: тинь няйсасть панжада менельть и Ломанень Цёрати куценди-валгонды Шкаень ангелхнень».

Иоанн 12:34

Ломаттне корхтасть Тейнза: «Минь содаськ Сёрматфксста, Христоссь эряй пефтома. Кода ина Тон корхтат, Ломанень Цёрась ули кепотьф вяри? Кие тя Ломанень Цёрась?»

Иоанн 5:27

и макссь Цёранцты азорксши ётафтомс судтьке, сяс мес Сон – Ломанень Цёрась.

Апостолхнень тевсна 10:22

Синь корхтайхть: «Корнилий сядонь оцюнясь кучемазь минь. Сон коень ванфты и Шкайда пели ломань, конань пара лувксс путнесазь сембе еврейхне. Иняру ангелсь кошардозе Корнилиень тердемс тонь кудозонза и кулхцондомс тонь, мезе азат».

Апостолхнень тевсна 5:41

Апостолхне тусть Оцю пуромксста кеняртькшнезь, сяс мес тейст максовсь тя наругамась Иисус Азорть лемонц инкса.

Павелонь сёрмац Риму 1:16

Мон аф виздян Христость Пара кулядонза, вдь тя Шкаень вий, кона идекшнесыне сембе кемайхнень, васендакиге еврейхнень, сяльде – лия ломаньтналхненьге.

Павелонь сёрмац Галатияв 6:14

А монь аш мялезе шнамс эсь прязень мезьсовок, Иисус Христос Азороньконь крёздонза башка. Тя крёзть лангса масторлангсь эськотьф-кулоф тейне, и монцьке эськотьфан-кулофан тя масторлангти.

Павелонь васенце сёрмац Фессалоникав 2:19

Вдь кие ули тейнек надиямакс, кенярдема вастокс и шнамань каштазкс Иисус Христос Азороньконь инголе, мзярда Сон сай? Кие, кда аф тинь?

Павелонь васенце сёрмац Фессалоникав 3:13

И тянь вельде катк Сон кемокстасыне тинь седиентень улемс аф гастяфокс и инярукс Шкайть, минь Аляньконь инголе, ся шить самс, мзярда минь Азороньке Иисус мрдай сембе иняру ломанензон мархта. Аминь.

Павелонь омбоце сёрмац Тимофеенди 1:12

Тянкса мон и кирдьсайне ня сталмотнень, но прокс аф виздьсайне, сяс мес содаса кинди кеман. И кемоста содаса: Сон машты ванфтомс семботь, мезе путф лангозон ся мекольдень шить самс.

Павелонь омбоце сёрмац Тимофеенди 1:16

Мон эняльдян Азорти кельгозь ужяльдемс Онисифоронь кудонц, сяс мес сон сидеста озафнезе монь седизень и ашезь визде монь пякстамгудса ащемазень эзда.

Павелонь омбоце сёрмац Тимофеенди 1:8

Сяс тят визде азонкшнемс Иисус Христос Азороньконь колга ломаттненди, тяфта жа тямак визде монь, Сонь валонц пачфнеманкса пякстафть. Меколанкт, кирдить мархтон сталмонень Христость Пара кулянц инкса, надиязь Шкайть виенц лангс.

Еврейхненди сёрмась 11:16

Но синь мяльсноль сатомс сяда цебярь масторть, лиякс мярьгомс, менеленнеть. Вага мес Шкайсь аф визди, мзярда синь лемнесазь Сонь эсь Шкайкс; вдь Сон аноклась тейст ош.

Еврейхненди сёрмась 11:26

Сон лувозе Христость инкса сялдомать сяда питникс Египетонь козяшитнень коряс, сяс мес сон ванць инголе ащи казнеть лангс, кона учсезе сонь.

Еврейхненди сёрмась 13:13

Сяс листяма Тейнза, ширети, и каннесаськ Сонь сялдоманц.

Иаковонь сёрмац 4:4

Шкайти полафни ломатть! Дяряй аф содасасть: масторлангть мархта ялгафтомась – тя Шкайти каршек молема? Кинь мялец улемс ялгакс тя масторлангти, ся арси душманкс Шкайти.

Иоаннонь васенце сёрмац 2:23

Кие корхни: «Мон аф кеман Цёрати», – сянь аш Аляцка. А кие аф сёпозь корхни: «Мон кеман Цёрати», – сянь ули Аляцка.

Иоаннонь васенце сёрмац 2:28

И сяс, идне, фалу эряда Христость эса. Кда тинь карматада тяфта тиендема, эста, Христость самстонза, минь аф пелезь и аф виздезь аратама Сонь шамаликонц инголе.

Иоаннонди панчф няйфкс 14:10

ся кармай симома Шкаень кяжень винада, кона мезьсонга аф шоряф и кона каяф Сонь кяжень кядьгозонза. Сянь кармайхть маятафтомонза толса и палыкандорса иняру ангелхнень и Верозть инголе.