Марк 7:34 - Од Соткс Новый Завет на мордовском-мокша языке 2016

³⁴ варжакстсь менели, крхкаста таргазе ваймонц и мярьгсь тейнза: «Еффафа́!», тя ётафтови «Панжефт!»

Марк 7:34 ပူးပေါင်းရင်းမြစ်များ

Марк 1:41

Иисусти ужялькс арась тя ломанць, Сон венептезе кяденц, токафтозе тейнза и мярьгсь: «Мялезе. Ульхть ару!»

Марк 15:34

Вейхксоце частса Иисус пешкодсь оцю вайгяльса: «Элои́, Элои́! Ламма́ савахфани́?», кона ётафтови: «Шкаезе, Шкаезе! Мес Тон кадомайть Монь?»

Марк 5:41

Сон сявозе стирнять кядьта и мярьгсь тейнза: «Талифа́ куми́!» Тя ётафтови: «Стирня, мярьган тейть: стяк!»

Марк 6:41

Иисус сявозень вете кшитнень и кафта калхнень, кеподезень сельмонзон менели и бславазень. Сон синнезень кшитнень и максозень тонафниензонды, сят явондозь ломаттненди. Станяк сембонди явондозень кафта калхненьге.

Марк 7:35

Эстокиге ся ломанть панжевсть пиленза, кялецка тёждялгодсь, и сон кармась лац корхтама.

Марк 8:12

Иисус крхкаста таргазе ваймонц и мярьгсь: «Мезенди тяниень пингонь ломаттне вешендихть тяштькс? Видеста корхтан тейнть, аф максови тяштькс тяниень пингонь ломаттненди».

Лука 18:42

Иисус мярьгсь тейнза: «Няйхть! Кемамаце пчкафтонзе тонь».

Лука 19:41

Мзярда маладсь Иерусалимти, ошть лангс ваномста Иисус аварьгодсь инксонза.

Лука 7:14

Иисус нежедсь и токафтозе кяденц лазксненди; кандыенза лоткасть. Сон мярьгсь: «Цёра, мярьган тейть, стяк!»

Иоанн 11:33

Иисус, мзярда няезе – Мария аварди и мархтонза саф еврейхневок авардихть, тя пяк токазе Сонь ваймонц и Сонцьке ризназевсь.

Иоанн 11:35

Иисусть тусть сельмоведенза.

Иоанн 11:38

А Иисус тага ризназевсь, сась калмоть ваксс. Калмось карафоль кевбанда бокс, и сувама вастозонза путфоль оцю кев.

Иоанн 11:41

Веляфтозь калмоть ваксста кевть. Иисус кеподезе прянц вяри менели и мярьгсь: «Аляй! Сюконян Тейть сяс, мес марямайть Монь.

Иоанн 11:43

Тянь азомда меле Сон кайгиста серьгядсь: «Лазарь! Листь тоста!»

Иоанн 17:1

Ня валда меле Иисус кеподезе сельмованфонц вяри менели и мярьгсь: «Аляй! Пингсь сась, няфтьк Эсь Цёрацень иневалдонц, Цёрацевок няфтелезе Тонь иневалдцень.

Апостолхнень тевсна 9:34

Пётр мярьгсь тейнза: «Эней, Иисус Христос пчкафты эсот. Стяк и ашкотк ацамцень». Ся эстокиге стясь.

Апостолхнень тевсна 9:40

Пётр лихтьфтезень сембонь кудбяльксста, арась плманжа лангс, и озондсь. Сяльде пшкядсь кулофти: «Тавифа, стяк!» Ся панжезень сельмонзон и Пёторонь няемста озась.

Еврейхненди сёрмась 4:15

Вдь минь Озксвятиень оцюняньке аф стама, конанди афоль шарьхкодев минь лафчашиньке, меколанкт, Сон минь лацонк ульсь варжаф сембоса, аньцек Сон ашезь тие кодамовок пеже.