Марк 6:6 - Од Соткс Новый Завет на мордовском-мокша языке 2016

⁶ Иисус пяк дивандась синь аф кемамаснонды. Тяда меле Сон якась перьфке ащи велетнень ланга и тонафнезень ломаттнень.

Марк 6:6 ပူးပေါင်းရင်းမြစ်များ

Матфей 4:23

Иисус якась сембе Галилеява, тонафтсь синагогава, пачфнесь Пара куля Шкаень Оцязорксшить колга и пчкафнезень ломаттнень эрь кодама урмада и сярятьфта.

Матфей 8:10

Тянь кулемста Иисус дивандась, шарфтсь мельганза моли ломаттненди и мярьгсь: «Видеста корхтан тейнть: Израильса Мон ашень васьфне тяфтама кемама.

Матфей 9:35

Иисус якась сембе ошева и велева, тонафтсь тостонь синагогава, азондсь Пара куля Оцязорксшить колга, пчкафнезень ломаттнень эрь кодама урмада и сярятьфта.

Марк 1:39

И Сон ётазе сембе Галилеять, тонафтсь синагогаваст и панцезень ломаттнень потмоста аф ару ваймопожфнень.

Марк 10:1

Тоста Иисус тусь Иорданть фтала ащи Иудеянь мастору. Сонь перьфканза тага пуромсть ломатть; и, кода фалу, Сон тага тонафтсь эсост.

Лука 13:22

Иисус тонафтозь ётнесь ошева и велева. Сон кирдезе кинц Иерусалиму.

Лука 4:31

Иисус сась Галилеянь Капернаум ошу, тоса тонафнезень ломаттнень ваймамань шиня.

Лука 4:44

Сон стаки тонафтсь Иудеянь синагогава.

Иоанн 9:30

Алясь мярьгсь каршезост: «Тоса тевське, тинь аф содасасть, костонь Сон, а Сон пчкафтозень сельмонень.

Апостолхнень тевсна 10:38

Тинь кулесть, кода Назаретонь Иисусть Шкайсь вадезе Иняру Ваймопожфса и вийса, содасасть, кода Сон якась сембе вастова, тиендсь цебярь и пчкафнезень сембонь, кие ульсь идемэвозть кядяла, сяс мес мархтонзоль Шкайсь.