Марк 5:13 - Од Соткс Новый Завет на мордовском-мокша языке 2016

¹³ Иисус мярьгсь, и аф ару ваймопожфне лиссть ся ломанть эзда и сувасть тувотнень потмос. Сембе тувотне – эздост кафтошка тёжянель – пандста ёрдасть пря инголи, комотсть эрьхкти и ваясть.

Марк 5:13 ပူးပေါင်းရင်းမြစ်များ

Матфей 7:6

Тяда макссе пинетненди мезевок иняру – синь комотихть лангозонт и сязенттядязь. Тяда ёря тувотнень инголи питни ожнат – синь тапсесазь ожнатнень пильгалост».

Матфей 8:32

Сон мярьгсь тейст: «Арда». Эста кяжи ваймопожфне кадозь колафнень и сувасть тувотнень потмос. И эстокиге сембе стадась сери эрьхке трваста ёрдась пря ведьс и ваясь.

Марк 5:12

Аф ару ваймопожфне эняльдсть Тейнза: «Мярьк тейнек сувамда ня тувотнень потмос».

Марк 5:14

Тувонь ваныхне ворьгодсть тоста и азондозь ошса и маластонь веленятнень эзга, мезе лиссь. Ломаттне састь ванома, мезе ина тиевсь.

Иоанн 8:44

Тинь алянте идемэвозсь; и тинь мяленте тиендемс алянтень лаца визькс тефт. Сон ушетксстокиге ульсь ломанень шавонды и ашезь ащев видешиса; сяс мес аш эсонза видеши. Мзярда сон кяльготни, корхтай эсенц; сяс мес сон – кяльготнись и кяльготнемать аляц.

Пёторонь васенце сёрмац 3:22

Сон менели кеподемдонза меле ащи Шкайть види кяденц ширеса, и сембе ангелхне, азорксшитне и вийхне тиевсть Тейнза кулхцондыкс.

Иоаннонди панчф няйфкс 20:7

А мзярда ётайхть тёжянь кизотне, Сатанась нолдави пякстама вастстонза и тага кармай васькафнемост масторть ниле пева ащи ломаньтналхнень, конатнень лемсна Гог и Магог. И сон кочкасыне синь тюремас. Синь эздост пяк лама, кода оцюведть трваса шуварда.

Иоаннонди панчф няйфкс 9:11

Синь лангсост оцязоркс ульсь потмаксфтома томбать ангелоц. Евреень кяльса сонь лемоц Аваддон, грекокс тя лемсь – Аполлион.