Марк 4:38 - Од Соткс Новый Завет на мордовском-мокша языке 2016

³⁸ Иисус ся пингоня удось венчса, прялонза путфоль прял. Тонафниенза стяфнезь Сонь, корхтасть: «Тонафты! Минь ваятама! Дяряй Тейть сембе сяка?»

Марк 4:38 ပူးပေါင်းရင်းမြစ်များ

Матфей 22:16

Синь кучсесазь Тейнза эсь тонафниснон и Иродонь ломанензон. Сят мярьгсть Иисусонди: «Тонафты, минь содасаськ: Тон видешинь кельгият и видеста тонафтат Шкайть коряс эряма, аф арьсят мяльс тумать колга и киньге лангс аф ванат.

Матфей 8:25

Эста тонафниенза маладсть Тейнза и стяфтозь Сонь, мярьгсть: «Азор! Идемасть минь: ваятама».

Марк 4:37

И кеподсь вишке варма. Ведькомболксне эрьхнесть венчти, и сон кармась пяшкодема ведьта.

Марк 4:39

Эста Иисус стясь и кардазе вармать, ведтинге мярьгсь: «Сетьмок! Лоткак!» Вармась лоткась, и арась пяк сетьме.

Лука 8:24

Тонафниенза нежедсть Иисусонди, стяфтозь: «Тонафты! Тонафты! Ваятама!» Сон стясь, кардазе вармать и ведень комболфть; сят лоткасть, и арась сетьме.

Иоанн 4:6

Тоса ульсь Иаковонь эшиц. Иисус сизесь стака кить эзда, и сяс озась эшить ваксс. Тя ульсь котоце частть маласа.

Еврейхненди сёрмась 2:17

Сяс Иисусонди эрявсь сембоса арамс брадонзон лаца. Эста Сон маштоль покодемс кельгозь ужяльди озксвятиень оцюнякс, кона тиенди Шкайть мяленц коряс, и маштоль максомс Эсь прянц озксказнекс ломаттнень пежеснон идемаснон-рамамаснон инкса.

Еврейхненди сёрмась 4:15

Вдь минь Озксвятиень оцюняньке аф стама, конанди афоль шарьхкодев минь лафчашиньке, меколанкт, Сон минь лацонк ульсь варжаф сембоса, аньцек Сон ашезь тие кодамовок пеже.

Пёторонь васенце сёрмац 5:7

Сембе пичефксонтень веляфтость лангозонза, сяс мес Сон пичеди-канзеди тинь инксонт.