Марк 16:15 - Од Соткс Новый Завет на мордовском-мокша языке 2016

¹⁵ Сон мярьгсь тейст: «Ётада сембе масторть ланга и азонкшнесть Пара кулять эрь ломанти.

Марк 16:15 ပူးပေါင်းရင်းမြစ်များ

Матфей 28:19

Сяс арда и тиесть сембе ломаньтналхнень Тейне тонафникс, кстиндасть синь Алять, Цёрать и Иняру Ваймопожфть лемса.

Марк 13:10

Но тяда инголе сембе ломаньтналхненди эряви азондомс Пара кулясь.

Иоанн 15:16

Аф тинь Монь кочкамасть, а Мон тинь кочкадязь и путодязь тяфтама тевонь тиема: молемс и кандомс имошт, конат мзярдонга аф юмайхть. И эста Алязе макссы тейнть семботь, мезе анатада Монь лемсон.

Иоанн 20:21

Иисус мярьгсь тейст омбоцеда: «Сетьмоши тейнть! Кода Алязе кучемань Монь, стане Монга кучтядязь тинь».

Апостолхнень тевсна 1:2

и ся шить самс, мзярда Сон кеподсь менели. Тяда инголе Сон Иняру Ваймопожфть вельде макссь кошаркст Эсь кочкаф апостолонзонды.

Апостолхнень тевсна 1:8

Но мзярда лангозонт валги Иняру Ваймопожфсь, тейнть максови вий и карматада азондома ломаттненди семботь, мезе содатада колган – Иерусалимса и марнек Иудеяса, Самариясонга и мянь модать пенц самс».

Павелонь сёрмац Риму 10:18

Но мон кизефнян: кали синь ашезь куле? Кулемс кулезь! Вдь Сёрматфксса азф: «Модать келес срадсь синь вайгяльсна, масторть пенцты пачкодсть валсна».

Павелонь сёрмац Ефесу 2:17

Эсь саманц вельде Сон пачфтезе сетьмошинь Пара кулять тейнть, кит ульсть Шкайть эзда ичкозе, и сятненди, кит ульсть маласа.

Павелонь сёрмац Колоссав 1:23

Аньцек тейнть сяда товга эряви кемоста ащемс кемамаса и аф тушендомс Пара кулянь надиямать эзда, конань тинь кулесть. Тя Пара кулясь ульсь пачфтьф масторлангонь сембе ломаттненди. И тя Куляти мон, Павел, арань покодикс.

Павелонь сёрмац Колоссав 1:6

кона тяни пачкодсь тейнть. Тя кулясь келеми и канды цебярь имошт сембе масторга. Сон тинь ётксонтка касы и канды имошт ушедомок ся шиста, мзярда тинь кулесть сонь и шарьхкодесть Шкаень пароказнеть тяфтамкс, кодама сон афкукс ули.

Иоаннонь васенце сёрмац 4:14

Минь минць няеськ и аф сёпозь азонттама тянь колга: Шкай Аляньке кучезе Цёранц идемс масторлангть.

Иоаннонди панчф няйфкс 14:6

Мон няень лия ангел, кона лийсь вярдень менельге. Сон кандсь пефтома пингонь Пара куля, кона тейнза эряви пачфтемс мода лангонь эряйхненди: эрь масторти, юромти, кяльти и ломаньтналти.