Марк 14:62 - Од Соткс Новый Завет на мордовском-мокша языке 2016

⁶² Иисус мярьгсь: «Тя Монан; и тинь карматада няемонза Ломанень Цёрать, кона ащи озада Виить види кядь ширесонза и кона сай менелень коволхнень лангса».

Марк 14:62 ပူးပေါင်းရင်းမြစ်များ

Матфей 24:30

Эста менельса эвондай Ломанень Цёрать тяштьксоц. Масторлангонь сембе ломаньтналхне аварьгодыхть вярьгак вайгяльхть, мзярда няйсазь Ломанень Цёрать, кона сай менелень коволхнень лангса Эсь вийсонза и оцюдонга оцю иневалдсонза.

Матфей 26:64

Иисус каршезонза корхтай: «Тон тянь азыть. И нинге тейнть мярьган: курок тинь няйсасть Ломанень Цёрать, кона ащи озада Виить види кядь ширесонза и кона сай менелень коволхнень лангса».

Матфей 27:11

Иисус ащесь Пилат Римонь оцюнять инголе и ся кизефнесь эсонза: «Тон еврейхнень Оцязорснат?» «Тя тон тяфта корхтат», – мярьгсь каршезонза Иисус.

Марк 13:26

Эста няйсазь Ломанень Цёрать инь оцю вийсонза и иневалдсонза коволхнень лангса саманц.

Марк 15:2

Пилат кизефтезе Иисусонь: «Тон еврейхнень Оцязорснат?» «Тон тянь азыть», – мярьгсь Иисус.

Марк 16:19

Синь мархтост тяфта корхнемда меле Иисус Азорсь кепотьфоль менели и озась Шкайть види кядь ширесонза.

Лука 22:69

Но тя пингста сявомок Ломанень Цёрась озай сембода Вии Шкайть види кядь ширесонза».

Лука 23:3

Пилат кизефтезе Иисусонь: «Тон еврейхнень Оцязорснат?» Сон каршезонза мярьгсь: «Тя тон тяфта корхтат».

Еврейхненди сёрмась 1:3

Цёрась – Шкаень иневалдть вандолфоц и Сон Эсьсонза няфнесы афкукс кодама Шкайсь, и Сон семботь кирдьсы Эсь валонц виенц вельде. Сон аруяфтомазь минь пеженьконь эзда и тяда меле озась менельса инь оцю Шкайть озама вастонц види ширезонза.

Еврейхненди сёрмась 12:2

Апак лотксек карматама ванома Иисусонь лангс, кемаманьконь ушедыенц и педа-пес пяшкодиенц лангс. Сон инголенза ащи кеняртьксть вастс кулось крёз лангса, аф ваномок визьксть лангс, и тяни озаф Шкайть озама вастонц види ширесонза.

Еврейхненди сёрмась 8:1

Минь азфоньконь эзда инь оцюсь тя: минь ули тяфтама Озксвятиень оцюняньке, кона озась менельса инь оцю Шкайть оцязоронь озама вастонц види ширесонза.

Еврейхненди сёрмась 8:10

Вага соткссь, конань тиса Израилень ломаттнень мархта тона шитнень меле, – корхтай Азорсь, – Мон путсайне Эсь койнень синь мялезост и сёрмадсайне синь седиезост; и карман улема тейст Шкайкс, а синь улихть Тейне ломаньтналкс.

Пёторонь омбоце сёрмац 1:16

Мзярда минь азондоме тейнть Иисус Христос Азороньконь виенц и саманц колга, минь ашеме моле ёжуста кодаф-понаф ёфкснень мельге. Минь вдь эсь сельмосонк няеськ Сонь иневалдонц.

Иоаннонди панчф няйфкс 1:7

Ванода: Сон сай коволхнень лангса; эрь сельмось няйсы Сонь, няйсазь сятка, кит сялгозь Сонь. И масторлангонь сембе ломаньтналхне аварьгодыхть Сонь инголенза. Тяфта ули! Аминь.

Иоаннонди панчф няйфкс 20:11

Тяда меле мон няень оцюдонга оцю акша оцязоронь озама васта и Сянь, кие озадоль лангсонза. Сонь шамаликонц эзда ворьгодсть модась и менельсь, и синь прокс юмасть.