Марк 13:34 - Од Соткс Новый Завет на мордовском-мокша языке 2016

³⁴ Тя сянь лаца: мзярда ломанць оцю кис тумстонза и кудонц кадомстонза, макссь эсь покодиензонды азорксши и эрти эздост тев, и орта ваныти мярьгсь ваномда и улемс анококс.

Марк 13:34 ပူးပေါင်းရင်းမြစ်များ

Матфей 16:19

Мон макссайне тейть Менелень Оцязорксшить панжеманзон; и мезе сотат масторлангса, ся ули сотф менельса, и мезе нолдат масторлангса, ся ули нолдаф менельса».

Иоанн 10:3

Ортань ванысь панчсы тейнза кенкшть. Учатне кулхцондсазь сонь вайгяленц, и сон тердьсыне эсь учанзон лемсост и лихнесыне.

Павелонь сёрмац Риму 13:6

Сяс тинь каяфкстка панттада, вдь оцюнятне эсь тевснон тиемста, покодихть Шкайти.

Павелонь васенце сёрмац Коринфу 15:58

Сяс, кельгома ялгат, уледа кемот и мезевок тязадязь шерьфте. Марнек прянтень максость Азорть тевонцты, сяс мес тинь содасать: стака покодеманте Азорть инголе шавокс аф ули.

Павелонь сёрмац Колоссав 3:24

Тинь содасать: тейнть максови надияфтф казнесь, кона аноклаф Азорть ломанензонды. Вдь тинь покоттяда Христос Азорть лангс.

Павелонь сёрмац Колоссав 4:1

Азорхт, тиендеда урентень мархта кода эряви и видеста. Вдь тинь содасать: тиньге ули менельса Азоронте.

Иоаннонди панчф няйфкс 3:7

«Филадельфиянь кемаень пуромксть ангелонцты сёрматт: "Вов мезе корхтай Инярусь и Видесь, конань кядьса Давидонь панжемац; Сон ся, кие панчсы кенкшть – и киндинге аф пякстави; Ся, кие пякстасы кенкшть – и киндинге аф панжеви: