Марк 11:25 - Од Соткс Новый Завет на мордовском-мокша языке 2016

²⁵ Мзярда озонттада и киньге лангс кирттяда кяж, нолдасть тейст синь пежеснон, эста Алянтевок, кона менельса, нолдасыне тинь пежентень.

Марк 11:25 ပူးပေါင်းရင်းမြစ်များ

Матфей 5:23

Сяс, кда тон кандат казне Шкайти и алтарть ваксса лятфтасак: лангозт кирди кяж тонь кемай ялгаце,

Матфей 6:12

нолдайть тейнек минь пеженьконь, кода миньге нолясаськ тейнек шумуяфненди.

Матфей 6:5

«И мзярда озонттада, тяда уле, кода шамафксонь каннихне. Синь кельгсазь синагогаса и ошть ульцянзон ужева озондомс, няелезь синь ломаттне. Видеста корхтан тейнть: синь ни сявозь эсь казнеснон.

Лука 18:11

Фарисейсь арась и озондсь эсь пачканза тяфта: "Шкай! Сюконян Тейть, мес мон аф стаман, кодапт лия ломаттне, салайхне-нельгихне, кяжень тиихне, усксевихне, али вов кода тя каяфксонь кочкайсь.

Лука 18:13

А каяфксонь кочкайсь ащесь ширеняса, нльне сельмонзонга пельсь кеподемс вяри; аньцек эрьхнезе мяштенц и корхтась: "Шкай! Ужяльдемак монь, пежу ломанть!"

Лука 6:37

«Тяда суденда, и тиньге аф ульхтяда судендафт; тяда муворгофне киньге, тиньге аф ульхтяда муворгофтфт; ноляда ломанень шумот, тиньге шумонте нолдави.

Павелонь сёрмац Ефесу 4:32

Уледа фкя-фкянди ляпе седикс, лиянь сярятьфонь маряйкс, нолнесть фкя-фкянди пежентень, кода и Шкайсь Христосса нолдазень тинь пежентень.

Павелонь сёрмац Колоссав 3:13

Эряда фкя-фкянь мархта ладязь и нолнеда пежет, кда фкя-фкянь обжатада. Кода Христос нолдазень тинь пежентень, тяфта тиньге тиендеда.

Иаковонь сёрмац 2:13

Вдь аф ужяльдеви судса ся, кие сонць киньге аф ужяльдьсы, а ужяльдись сяськи судса.

Иоаннонди панчф няйфкс 11:4

Ня азондыхне-кемокстайхне – кафта вайшуфтт и валдоптомань кафта кирдемат, конат ащихть масторлангонь Шкайть инголе.