Марк 10:52 - Од Соткс Новый Завет на мордовском-мокша языке 2016

⁵² Иисус мярьгсь тейнза: «Архт, кемамаце пчкафтонзе тонь». Сон эстокиге кармась няема и тусь киге Иисусонь мельге.

Марк 10:52 ပူးပေါင်းရင်းမြစ်များ

Матфей 11:5

сокорхне няихть и шаморхне якайхть, наксафты урмаса сярядихне аруякшнихть и пяряфне кулихть, кулофнень вельмафнесазь и ашуфненди пачфневи Пара кулясь.

Матфей 12:22

Эста вятсть Иисусти сокор и аф корхтай аля, конань эсоль кяжи ваймопожф. Иисус пчкафтозе сонь, и ся кармась няема и корхтама.

Матфей 15:28

Эста Иисус пшкядсь каршезонза: «Вай, ава! Тонь пяк оцю кемамаце; улеза тейть тонь мяльцень коряс». И эстокиге сонь стирец пчкясь.

Матфей 21:14

Шкаень кудса Иисусонь перьфке кочкавсть сокорхт и шаморхт, и Сон пчкафтозень синь.

Матфей 8:3

Иисус венептезе кяденц, токафтозе ломанти и мярьгсь: «Мялезе – аруяк». И сянь наксафты урмац эстокиге ётась.

Матфей 9:22

Иисус шарфтсь, няезе сонь и мярьгсь: «Стирняй, тят пеле, кемамаце пчкафтонзе тонь». И авась эстокиге пчкясь.

Марк 1:31

Сон маладсь сярядити, сявозе кяденц и лездсь тейнза стямс. Пси урмась эстокиге кадозе сонь, и авась кармась синь перьфкаст шарома.

Марк 5:34

Иисус мярьгсь тейнза: «Стирняй, кемамаце пчкафтонзе тонь. Архт сетьмошиса и ульхть шумбра сярядемацень эзда».

Марк 8:25

Тяда меле Иисус тага путозень кядензон сокорть сельмонзон лангс и мярьгсь варжакстомс перьфпяльге. И ломанць пчкясь, кармась семботь няемонза лац.

Лука 7:50

Иисус мярьгсь авати: «Кемамаце идензе тонь, мольхть сетьмоши мархта».

Лука 9:48

Мярьгсь тейст: «Кие сявсы тя идть Монь лемсон, ся Монь сявсамань; а кие Монь сявсамань, ся сявсы Монь Кучиезень; вдь кие эздонт инь ёмлась, ся ули сембода оцю».

Иоанн 9:32

Мзярдовок ашезь кулендев, кие панжелезень ломанть шачемстокиге сокорготф сельмонзон.

Иоанн 9:39

Иисус мярьгсь: «Мон сань тя масторлангти ломаттнень пежеснон лангу лихтеманкса – аф няихне няельхть, а няихне сокоргодольхть».

Апостолхнень тевсна 26:18

Кучте сельмоснон панжема, шобдать эзда валдти шарфтомост, Сатанать азорксшинц эзда – Шкайти. Мондейне кемамать вельде нолдавихть синь пежесна и максови тейст эсь пялькссна сембе иняруяфнень мархта марса".