Марк 10:24 - Од Соткс Новый Завет на мордовском-мокша языке 2016

²⁴ Тонафниензон пяк дивандафтозь ня валонза. Но Иисус тага азозе тейст: «Идне! Конашкава стака козяшить лангс надияйхненди сувамс Шкаень Оцязорксшити!

Марк 10:24 ပူးပေါင်းရင်းမြစ်များ

Матфей 19:25

Тянь кулемста тонафниенза пяк дивандазевсть и кизефтезь: «Кие ина эста идеви?»

Марк 1:27

Сембе пяк дивандазевсть, кармасть фкя-фкянь кизефнема: «Тя кодама од тонафтома? Сонь сяшка азорксшиц – аф ару ваймопожфненьге кардасыне и сят кулхцондсазь Сонь!»

Марк 10:23

Иисус варжакстсь перьфпяльге, мярьгсь тонафниензонды: «Конашкава стака козя ломанти сувамс Шкаень Оцязорксшити!»

Лука 16:14

Фарисейхне, конат ульсть ярмаконь кельгихть, кулезь тянь семботь и пеетькшнесть Иисусонь лангса.

Иоанн 13:33

Идне, аф ламос ни Тейне улемс мархтонт. Карматада Монь вешендемон, аньцек, кода ни мярьгонь еврейхненди, тяфта тейнтьке тяни корхтан: "Ков Мон молян, тинь тоза аф молефтяда".

Иоанн 21:5

Иисус корхтай тейст: «Итть! Тинь ули ярхцамбяленте?» Синь мярьгсть Тейнза: «Аш».

Иоанн 6:60

Тянь марямок, тонафниензон эзда ламотне корхнесть: «Кодама стака тонафтомац! Кие кармай Сонь кулхцондомонза?»

Павелонь сёрмац Галатияв 4:19

Идне монь, тинь инксонт мон тага кирдян маятамат, кодапт кирди авась шачфтомста, мзярс тинь аф тиефтяда Христость лаца.

Павелонь васенце сёрмац Тимофеенди 6:17

Азк тя эряфса козятненди, катк аф няйсазь пряснон и аф надияйхть козяшить лангс, конац аф кеме, но катк надияйхть эряй Шкайть лангс, кона козяста макссесы семботь, мезе эряви тейнек кенярдеманди.

Иоаннонь васенце сёрмац 2:1

Монь идне! Мон тяфта сёрмадан тейнть тянкса: афоледе тиенде пежет. А кда ни кивок тись пеже, эста минь ули тевонь якафтыеньке Алять инголе – Иисус Христоссь, кона тиенди видексшить коряс.

Иоаннонь васенце сёрмац 4:4

Идне, тинь Шкайть эзда и тинь сяськость тона аф афкуксонь пророкнень. Вдь Ся, кона тинь эсонт, сяда оцю ся ваймопожфть коряс, кона эряй масторлангонь пежу ломаттнень эса.

Иоаннонь васенце сёрмац 5:21

Идне, ванфтость прянтень аф афкуксонь шкайхнень эзда! Аминь.

Иоаннонди панчф няйфкс 3:17

Тон корхтат: "Мон козян, монь сембодон лама и тейне мезевок ни аф эряви". Но тон аф шарьхкодьсак: тон аф павазуват, ужялят, ашуват, сокорат и крхтапат.