Марк 10:21 - Од Соткс Новый Завет на мордовском-мокша языке 2016

²¹ Иисус кельгозь варжакстсь лангозонза и мярьгсь: «Фкя тейть аф сатни: архт, мик марнек уликс-пароцень, и явк ярмакть ашуфненди, эста кармай улема козяшице менельса; сяльде сак, мольхть мельган».

Марк 10:21 ပူးပေါင်းရင်းမြစ်များ

Матфей 16:24

Эста Иисус мярьгсь тонафниензонды: «Кинь мялец молемс Монь мельган, ся катк макссы эсь прянц Тейне, сявсы крёзонц и моли Монь мельган.

Матфей 19:21

Иисус мярьгсь тейнза: «Кда мяльце улемс сембе ширде цебярькс, эста архт, мик сембе уликс-пароцень и ярмакть явк ашуфненди. Эста козяшице кармай улема менельса. Сяльде сак и мольхть Монь мельган».

Марк 10:22

Ся ломанць пяк козяль, сяс ня валхнень эзда сонь кольсь мялец, и тусь пичедезь.

Марк 8:34

Тяда меле тердезень ваксозонза ломаттнень и тонафниензон, мярьгсь тейст: «Кинь мялец молемс Монь мельган, ся катк макссы эсь прянц Тейне, сявсы крёзонц и моли мельган.

Лука 10:42

а эряви аньцек фкя. Мария кочказе цебярь пяльксть, кона кядьстонза аф нельгови».

Лука 12:33

Мишендесть уликсонтень и лездода ашуфненди. Аноклада эстейнть ярмаконь путомс кяскавнят, конат аф каладыхть; кочкада эстейнть аф юмафтови козяши менельса, коза салайсь аф маладови и коса ки мелавсь аф пори.

Лука 16:9

Мон мярьган тейнть: муда эстейнть ялгат тя аф виде масторлангть ярмаконзон вельде, сямольде, мзярда ярмакне аделавихть, сяволедязь тинь пефтома пингонь кудс.

Лука 18:22

Тянь кулемста Иисус мярьгсь тейнза: «Нинге фкя аф сатни тейть, мик сембе уликс-пароцень и явк ашуфненди, и кармай улема козяшице менельса; сяльде сак и мольхть мельган».

Лука 19:41

Мзярда маладсь Иерусалимти, ошть лангс ваномста Иисус аварьгодсь инксонза.

Лука 9:23

Иисус мярьгсь сембонди: «Кинь мялец молемс Монь мельган, ся катк макссы эсь прянц Тейне, сявсы крёзонц и моли мельган.

Иоанн 12:26

Кинь мялец Тейне покодемс, молеза мельган. Косан Мон, тоса улеза покодиезевок. И кие Тейне покоди, сянь шнасы Монь Алязе».

Иоанн 16:33

Тянь Мон азыне тейнть, муледе сетьмоши Монь эсон. Масторлангса тинь кармайхть улема пичефксонте; но кирдеда: Мон сяськине масторлангть».

Апостолхнень тевсна 2:45

Синь мишендезь уликсснон и пароснон, а ярмакть явондозь сембонь ёткова, кинди мзяра эрявсь.

Павелонь омбоце сёрмац Коринфу 12:15

Тинь инксонт мон оцю мяльса максса сембозень, мезезе ули, мянь эсь прязеньге. Тянь тиса, сяс мес пяк кельктядязь тинь, но мес тинь тяшкава кржа кельгсамасть монь?

Павелонь омбоце сёрмац Тимофеенди 3:12

Виде, сембе, кит ёрайхть эрямс Шкайть мяленц коряс Христос Иисусса, кармайхть панцевома.

Еврейхненди сёрмась 10:34

Тинь марясть ризнамаснон сятнень, кит ульсть пякстамгудса. Тинь кеняртькшнеде, мзярда нельгондезь тинь уликсшинтень, сяс мес содасть: менельса тинь ули сяда цебярь уликсшинте, кона кармай улема фалу.

Иаковонь сёрмац 2:10

Кие пяшкотькшнесы марнек койть, и аньцек мезьсовок фкаса тии пеже, эста сембоса арси муворукс.

Иоаннонди панчф няйфкс 2:14

Но вов Монь мезе-бди ули тонь каршезт: тоса, тинь ётксонт улихть Валаамонь тонафтоманц коряс эряйхть. А Валаам тонафтозе Валаконь, кода Израилень эряйхнень сувафтомс пежес: ярхцамс сивольда, кона кантф озксказнекс аф афкуксонь шкайхненди, и усксевозь эрямс.

Иоаннонди панчф няйфкс 2:20

Но вов Монь мезе-бди ули тонь каршезт: тон аф карнесак Иезавель авать, кона лемнесы прянц прорококс, а сонць эсь тонафтомасонза васькафнесыне-эрьготьфнесыне Монь покодинень. Тя авась тонафнесыне синь усксевомс и ярхцамс сивольда, конань каннесазь озксказнекс аф афкуксонь шкайхненди.

Иоаннонди панчф няйфкс 2:4

Но вов мезезе ули тонь каршезт: тон Монь кельгсамак аф сяшкава вииста, кода васенда.