Лука 8:38 - Од Соткс Новый Завет на мордовском-мокша языке 2016

³⁸ Алясь, конаста лиссть кяжи ваймопожфне, эняльдсь сявомда сонь мархтонза. Иисус мрдафтозе сонь, мярьгсь:

Лука 8:38 ပူးပေါင်းရင်းမြစ်များ

Матфей 4:24

Иисусонь колга кулясь срадсь марнек Сириять келес; и вятнезь Тейнза сембе сярядихнень и эрь кодама урмаса маятайхнень, кяжи ваймопожфса колафнень, эсь урмаса сярядихнень, параличса колафнень, и Сон пчкафнезень синь.

Лука 8:28

Сон кодак няезе Иисусонь, пешкодозь прась пильгозонза и вярьгак вайгяльхть ювадсь: «Иисус, Инь Вярдень Шкайть Цёрац, мезе Тейть эздон эряви? Эняльдян Тейть, тямак маятафта!»

Лука 8:37

Эста Гадарина масторонь сембе ломаттне эняльдсть Иисусонди тумс тоста, сяс мес синь сявозень оцю пелема. Сон озась венчс, срхкась тумс меки.

Лука 8:39

«Мрдак кудозт и азонтк, кодама оцю тев тись тейть Шкайсь». Алясь тусь и азондозе марнек ошти, мезе тись тейнза Иисус.

Павелонь сёрмац Филиппав 1:23

Сязендеван кафтова: мялезе тумс тя масторлангста и улемс Христость мархта, сяс мес тя сядонга цебярь.