Лука 8:21 - Од Соткс Новый Завет на мордовском-мокша языке 2016

²¹ Иисус каршезост мярьгсь: «Монь тядязе и брадне нят, кит кулхцондсазь Шкаень валть и пяшкотькшнесазь сонь».

Лука 8:21 ပူးပေါင်းရင်းမြစ်များ

Матфей 17:5

Мзярда сон нинге корхтась, валдтонга валда ковол тавадозень синь. Коволста кулевсь вайгяль: «Тя Монь кельгома Цёразе, Монь кенярдема вастозе. Кулхцондость Сонь!»

Матфей 25:40

Оцязорсь тейст корхтай: "Видеста корхтан тейнть: сяс мес тинь тиесть тянь Монь ёмла браднень эзда фкяти, стане тиесть тянь Тейне".

Матфей 25:45

Оцязорсь мярьги каршезост: "Видеста корхтан тейнть: сяс мес ашесть тие тянь фкяти Монь браднень эзда, стане ашесть тие тянь Тейневок".

Матфей 28:10

Эста Иисус корхтай тейст: «Тяда пеле, арда азондость тянь Монь малавикс ялганенди: катк молихть Галилеяв, и тоса няйсамазь Монь».

Лука 8:15

Цебярь модас прафне, нят сят, кит ляпе и ару седисост марясазь валть, ванфтсазь сонь и кирдемшкаснон вельде каннихть раштафкс». Азомок тянь, ювадсь: «Кинь улихть кули пиленза, катк кульсы!»

Лука 8:20

Тейнза макссть содамс: «Тядяце и браттне ушесот, мяльсна няемс Тонь».

Иоанн 13:17

Тинь павазуфтада, кда тянь содасасть и тянь корява тиенттяда.

Иоанн 20:17

Иисус корхтай тейнза: «Тямак токсе Монь, сяс мес Мон нинге ашень кеподев вяри Алязти. Архт, азонтк мала ялганенди: "Туян меки Алязти, кона тиньге Алянте, Монь Шкаезти, кона тиньге Шкаенте"».

Павелонь омбоце сёрмац Коринфу 5:16

Сяс тяни минь киньге колга аф арьсетяма ломанень шарьхкодемать коряс. Кда инголи минь Христостьке колга тянь лаца арьсеме, тяни тяфта аф арьсетяма.

Павелонь омбоце сёрмац Коринфу 6:18

«Мон улян тейнть Алякс, и тинь ульхтяда Тейне цёракс и стирькс. Тяфта корхтай Сембонь Кирди Азорсь».

Иаковонь сёрмац 1:22

Тиендеда Шкаень валть коряс, а аф аньцек кулхцонкшнесть сонь кода сят, конат васькафнесазь эсь пряснон.

Иоаннонь васенце сёрмац 2:29

Кда тинь содасасть: Сон фалу тиенди видексшить коряс, эста содасасть тяньге: кие эряй видексшить коряс, ся шачф Шкайть эзда.

Иоаннонь колмоце сёрмац 1:11

Кельгома ялгай, тят моле кяжень тиихнень мельге, а мольхть паронь тиихнень мельге. Кие тиенди пара тефт, ся ломанць Шкайть эзда. Кие тиенди кальдяв тефт, ся мзярдонга ашезе няенде Шкайть.