Лука 8:13 - Од Соткс Новый Завет на мордовском-мокша языке 2016

¹³ Кеву вастс прафне – нят сят, кит валть кулемста кенярдезь путсазь сонь седизост, но синь аш юрсна, сяс аф ламос кемайхть и стакашиса варчсемста потайхть кемамада.

Лука 8:13 ပူးပေါင်းရင်းမြစ်များ

Марк 6:20

сяс мес Ирод пельсь Иоаннонь эзда. Ирод содазе: Иоанн видексшинь и иняру ломань, и сяс ванфнезе сонь. Ирод кулхцонкшнезе Иоаннонь тонафтоманц и лама тиендсь сонь валонзон коряс. Сон оцю мяльса кулхцондозень Иоаннонь валонзон.

Лука 8:12

Ки ваксс прафне – нят сят, конат кульсазь валть, но сяльде сашенды идемэвозсь и салсесы валть седистост, сяс синь аф кемайхть кульфти и аф улихть идефт.

Лука 8:14

Сялги тишес прафне, нят сят, кит кульсазь валть, но пингонь ётазь эрь шинь тефне, ярмаконь и топоцьта эряфонь мельге панцемась опаптсазь валть и сон аф максы раштафкс.

Иоанн 15:2

Сон керсы эрь тараткязень, кона аф канды имошт; а эрь иможень канды тарадста керсы аф эрявиксть, тяфта ароптозь лезды тейнза сяда пяк иможиямс.

Иоанн 15:6

Кие аф ули эсон, сянь ёрдасазь тарад лаца, и коськи. Тяфтама тараттнень кочкасазь и ёрдасазь толти, и синь палыхть.

Иоанн 5:35

Иоанн ульсь кода палы и вандолды валдоптома; а тинь мялентель аньцек аф ламос кеняртькшнемс сонь валдонцты.

Павелонь васенце сёрмац Коринфу 13:2

Кда монь ули пророчендамань казнезе, и мон содасайне сембе салавашитнень, и монь кядьсон сембе содамошись и сембе кемамась, конаса тейне полафневихть панттнень вастсна, а кельгома эсон аш, – эста мон мезевок ашан.

Павелонь васенце сёрмац Коринфу 15:2

Сонь вельденза тинь ульхтяда идефт, кда кирдьсасть сонь прокс стамкс, кодамкс мон сонь тейнть пачфтине. А кда аф тяфта, эста тинь шавоста кемаде Шкайти.

Павелонь сёрмац Галатияв 3:1

Галатиянь ёньфтома ломатть! Кие тяшкава сельмодедязь, нльне тинь араде аф кулхцондыкс видешити? Вдь тинь эсь сельмосонт няесть крёзти эськотьф Иисус Христость, мзярда кулхцондость монь азксозень Пара кулять колга!

Павелонь сёрмац Галатияв 3:4

И сембось ся, мезе тинь кирдеде, ётась стакащемда? Аш кода тянди улемс!

Павелонь сёрмац Ефесу 3:17

и кемамать вельде седисонт кармай улема Христоссь.

Павелонь сёрмац Колоссав 1:23

Аньцек тейнть сяда товга эряви кемоста ащемс кемамаса и аф тушендомс Пара кулянь надиямать эзда, конань тинь кулесть. Тя Пара кулясь ульсь пачфтьф масторлангонь сембе ломаттненди. И тя Куляти мон, Павел, арань покодикс.

Павелонь сёрмац Колоссав 2:7

Кемокстасть унксонтень Христосса и касода-кеподеда Сонь эсонза. Катк кемамась, конанди тинь тонафтфтада, виензай эсонт и катк седиенте фалу ули пяшксе сюконямада.

Павелонь васенце сёрмац Фессалоникав 3:5

И сяс мон сяда ламос ашень кирде, кучине Тимофеень содамс тинь кемамантень кувалма. Мон пелень: пади Пежес Вятись прафтодязь-пувордадязь тинь виде киста, и минь тевоньке арась шавокс.

Павелонь васенце сёрмац Тимофеенди 1:19

ванфнемок кемамацень и ару ваймовайгяльцень. Кой-конат сонь юмафтозь и кемамасна лазовсь, кода лазови венчсь, мзярда цяподи оцю кевти.

Еврейхненди сёрмась 10:39

Но минь аф сятнень ёткста, конат пелеманкса кадозь эсь кемамаснон и повихть аду. Минь сятнень ёткста, конат кемайхть и сяс идефтяма.

Иаковонь сёрмац 2:26

Сяс азса: кода ронгсь кулоф ваймофтома, тяфта кемамаське кулоф тевфтома.

Пёторонь омбоце сёрмац 2:20

Кда синь, Иисус Христос Азороньконь и Идиеньконь содаманц вельде, ворьгодевсть тя масторлангонь аф арушить эзда, но меле тага сотовсть-тапарясть эсонза и сяськовсть, эста синь эряфсна кармай нинге сяда кальдяв ингольцеть коряс.

Пёторонь омбоце сёрмац 2:22

Синь мархтост лиси стане, кода азф валмуворксса: «Пинесь мрдай эсь уксолксонзон лангс» и «Штаф тувось тага моли рдазса эшеляма».

Иоаннонь васенце сёрмац 2:19

Синь лиссть минь ёткстонк, аньцек мзярдонга афкуксста ашельхть миннекс. Кда синь улельхть миннекс, эста минь мархтонк и кадовольхть. Но синь тусть ёткстонк, и тяфта няевсь: синь сембе аф миннет.

Иудань сёрмац 1:12

Ня ломаттне визьксфтома вятьсазь эсь пряснон тинь кельгомань каваняма пуромкссонт. Синь сашендыхть мархтонт ярхцама и аф виздезь пяшкотькшнесазь эсь пекснон. Синь пичедихть аньцек эсь пряснон инкса. Синь пиземфтома коволхт, конат канневихть вармаса; синь сёксень шуфтт, иможфтомот, кафксть кулофт, юрнек таргафт.