Лука 8:10 - Од Соткс Новый Завет на мордовском-мокша языке 2016

¹⁰ Сон мярьгсь: «Тейнть максф содамс Шкаень Оцязорксшить салавашинзон, а лядыхненди корхтан валвеляфксса; тяфта синь ваныхть и аф няихть, кулхцондыхть и аф шарьхкодихть.

Лука 8:10 ပူးပေါင်းရင်းမြစ်များ

Матфей 11:25

Меле Иисус мярьгсь: «Аляй, менельть и масторть Азороц! Шнате Тонь сянкса, мес Тон кяшить тянь смузюфнень и шарьхкодихнень эзда и панжить тянь ёмла иттненди.

Матфей 16:17

Эста Иисус мярьгсь каршезонза: «Павазуват тон, Симон, Ионань цёрац, сяс мес аф ломань тянь панжезе тейть, а Монь Менелень Алязе.

Марк 4:11

Сон мярьгсь тейст: «Тейнть максф содамс Шкаень Оцязорксшить салавашинзон, а лиятненди сембось азондови валвеляфксса,

Марк 4:12

тяфта синь эсь сельмосост ваныхть и аф няихть, эсь пилесост кулихть и аф шарьхкодихть, и аф шарфтыхть Шкайти, пежесновок аф нолдавихть тейст».

Иоанн 12:40

«Ня ломаттне сокоргофтозь эсь сельмоснон и калготкстоптозь эсь седиснон: афольхть няе эсь сельмосост и афольхть шарьхкоде седисост, афольхть шарфта Тейне и афолине пчкафта синь».

Павелонь васенце сёрмац Коринфу 12:11

Семботь тянь тиендьсы фкя и тяка Ваймопожфсь, кона Эсь мяленц коряс эрь ломанти максси башка казне.

Павелонь сёрмац Колоссав 2:2

Тянь семботь мон тиендьса, сяс мес мялезе кемокстамс тинь седиентень и сотомс тинь фкя-фкянь мархта кельгомань сотксса. Эста тинь пачкоттяда сембода крхка и питни шарьхкодемати: тинь карматада содамонза Шкайть салавашинц – Христость.

Павелонь васенце сёрмац Тимофеенди 3:16

И афкукс виде: минь кемаманьконь салавашиц инь оцю: Шкайсь сась ломанень ронгса, Иняру Ваймопожфсь няфтезе Сонь видексшинц, Сонь няезь ангелхне; Сонь колганза кулясь пачфтьфоль ломаньтналхненди, Тейнза кемасть масторлангса, и Сон иневалдса кепотьфоль менельти.