Лука 8:1 - Од Соткс Новый Завет на мордовском-мокша языке 2016

¹ Курокста тяда меле Иисус тусь ошева и велева Шкаень Оцязорксшить колга Пара кулять азондома; мархтонза ульсть кемгафтувотне

Лука 8:1 ပူးပေါင်းရင်းမြစ်များ

Матфей 11:1

Мзярда Иисус аделазе тонафтоманц кемгафтува тонафниензонды, Сон тусь тонафтома и Пара кулять кандома сяда тов лия ошева.

Матфей 13:19

мзярда ломанць маряй Оцязорксшить колга куля и аф шарьхкодьсы сонь, сашенды Кальдявсь и салсесы сянь, мезе видефоль ломанть седизонза: тя ломанць кода ки ваксс праф видьмось.

Матфей 4:23

Иисус якась сембе Галилеява, тонафтсь синагогава, пачфнесь Пара куля Шкаень Оцязорксшить колга и пчкафнезень ломаттнень эрь кодама урмада и сярятьфта.

Матфей 9:35

Иисус якась сембе ошева и велева, тонафтсь тостонь синагогава, азондсь Пара куля Оцязорксшить колга, пчкафнезень ломаттнень эрь кодама урмада и сярятьфта.

Марк 1:39

И Сон ётазе сембе Галилеять, тонафтсь синагогаваст и панцезень ломаттнень потмоста аф ару ваймопожфнень.

Лука 1:80

Иднясь кассь-кеподсь, кемокснесь ваймопожфса. Сон эрясь шавмодаса, мзярс изь эвонда Израилень ломаньтналть инголе.

Лука 20:1

Вов фкя стама шиня, мзярда Иисус тонафтсь ломаттнень эса Шкаень кудса и азондсь Пара куля, Тейнза састь озксвятиень оцюнят и койти тонафтыхть ломаньтналонь оцюнятнень мархта,

Лука 4:18

«Азорть Ваймопожфоц Монь лангсон, сяс мес Сон вадемань-кочкамань Монь пачфтемс Пара кулять ашуфненди. Сон кучемань Монь пчкафтомс кольф седихнень, азомс пякстафненди воляс нолдамаснон колга и сокорхненди сельмонь панжемаснон колга. Сон кучемань Монь нолдафтомост люпштафнень,

Лука 9:6

Тонафнихне тусть и якасть велетнень ланга, сембе вастова азонкшнезь Пара кулять и пчкафнезь сярядихнень.

Апостолхнень тевсна 10:38

Тинь кулесть, кода Назаретонь Иисусть Шкайсь вадезе Иняру Ваймопожфса и вийса, содасасть, кода Сон якась сембе вастова, тиендсь цебярь и пчкафнезень сембонь, кие ульсь идемэвозть кядяла, сяс мес мархтонзоль Шкайсь.

Апостолхнень тевсна 13:32

Минь пачфнесаськ тейнть тя Пара кулять: мезе Шкайсь надияфнесь минь атянь-атяньконди, сянь Сон пяшкодезе тейнек, идьснонды, вельмафтомок Иисусонь кулофста,

Павелонь сёрмац Риму 10:15

Кие кармай азондома, кда кивок аф ули кучф? Сёрматфкссь корхтай: «Вай, кодань пархт пильгсна сятнень, кит молихть Пара кулянь пачфнема!»