Лука 6:22 - Од Соткс Новый Завет на мордовском-мокша языке 2016

²² Павазуфтада тинь, мзярда Ломанень Цёрать инкса ломаттне афоледязь няе, паттядязь эсь ёткстост, сялттядязь и лувсазь лемонтеньге нильготьксокс.

Лука 6:22 ပူးပေါင်းရင်းမြစ်များ

Матфей 10:18

Монь инксон вяттядязь тинь оцюнятненди и оцязорхненди, и эста карматада азондома Монь колган тейст и лия ломаньтналхненди.

Матфей 10:22

Монь лемозень инкса кивок аф кармай кельгомонт, но кие кирди петь самс, ся идеви.

Матфей 10:39

Кие ёрай ванфтомс эряфонц, ся юмафтсы сонь, а кие юмафтсы эряфонц Монь инксон, ся ванфтсы сонь.

Лука 20:15

Синь ёрдазь сонь виноградонь переста и шавозь. Ина мезе тии синь мархтост виноградонь переть азороц?

Лука 21:17

И Монь лемозень инкса кивок аф кармай кельгомонт тинь.

Лука 6:21

Павазуфтада тинь, тяни вачедотне, сяс мес топоттяда. Павазуфтада тинь, тяни авардихне, сяс мес кенярттяда и рахатада.

Иоанн 12:42

Оцюнятнень эздовок ламотне кармасть кемама Иисусти; аньцек фарисейхнень инголе ашесть виденця, сяс мес пельсть синагогаста панемада.

Иоанн 16:2

Паттядязь тинь синагогаста, и сай нинге стама пинге, мзярда тинь шавондыенте кармайхть арьсема – тянь вельде сюконяйхть-покодихть Шкайти.

Иоанн 17:14

Мон тейст пачфтине Тонь валцень; а масторлангсь кяжи лангозост, сяс мес синь аф масторлангоннет, кода Монга аф тя масторлангоннян.

Иоанн 7:7

Тя масторлангонь ломаттне тинь лангозонт кальдявста аф вановихть, а Монь сельмосостка афолемазь няе; сяс мес Мон няфнеса: синь тевсна кальдяфт.

Иоанн 9:34

Каршезонза мярьгсть: «Пеже потмоса тон марнек шачеть, а нинге тонафтат эсонк?» И лихтезь сонь тоста.

Апостолхнень тевсна 22:22

Павелонь кулхцондозь тя пингс, но ня валда меле кармасть пешкодома: «Саты, машфтома сон! Аф кадома сон шиса!»

Апостолхнень тевсна 24:5

Минь лувондсаськ тя ломанть педи урмада пельксокс: сон кепси сембе масторлангонь еврейхнень ёткса таколдома, и сон Назаретонь сектать вятиец.

Апостолхнень тевсна 9:16

И Мон няфтьса тейнза, мзяра маятама сонь учсы Монь лемозень инкса».

Иаковонь сёрмац 1:12

Павазу ся ломанць, кона ётась сталмотнень-варчсематнень пачк, сяс мес пачкаст ётайти максови эряфонь каштазсь, конань Азорсь надияфтозе сятненди, кит кельгсазь Сонь.

Пёторонь васенце сёрмац 3:14

Но кда тинь кирттяда маятамат видексшить инкса, эста тинь павазуфтада. Тяда пеле синь эвфнемадост, катк тинь мезевок аф эвфтядязь.