Лука 6:13 - Од Соткс Новый Завет на мордовском-мокша языке 2016

¹³ Мзярда варьхмодсь, тердезень тонафниензон и кочкась ёткстост кемгафтува, конатнень лемдезень апостолкс, нят:

Лука 6:13 ပူးပေါင်းရင်းမြစ်များ

Матфей 10:2

Кемгафтува апостолхнень лемсна тяфтапт: васенцесь Симон, кона лемневи Пёторкс, и Андрей сонь брадоц, меле Иаков, Зеведеень цёрац, и Иоанн, сонь брадоц,

Матфей 19:28

«Видеста корхтан тейнть, – мярьгсь Иисус, – мзярда одкстоми марнек масторлангсь и Ломанень Цёрась озай оцязоронь иневалда вастозонза, эста тиньге, кит туде Монь мельган, озатада оцязоронь кемгафтува васттненди судендамс Израильть кемгафтува юромонзон.

Матфей 9:36

Мзярда Иисус няезень пуромф ломаттнень, синь ужялькс арасть Тейнза, сяс мес ульсть пяк сизефт и сратфт, кода учат, конатнень аш ванысна.

Марк 6:30

Апостолхне мрдасть Иисусти и азондозь тейнза семботь, мезе синь тисть и мезьс тонафтозь ломаттнень.

Марк 6:7

Иисус тердезень кемгафтува тонафниензон, кармась кучсемост синь кафтонь-кафтонь и макссь тейст азорксши панцемс аф ару ваймопожфнень.

Лука 11:49

Сяс Шкаень смузьшиське корхтай: "Кучан тейст пророкт и апостолхт, и финцнень эздост синь шавсазь, а омбонцнень панцазь".

Лука 22:30

Тинь карматада ярхцама и симома шразень ваксса Монь Оцязорксшисон, и озатада оцязоронь озама вастс Израилень кемгафтува юропнень судендамост».

Лука 6:14

Симон, конанди путсь Пётр лем, Андрей – Симононь брадоц,

Иоанн 4:33

Тонафниенза корхтасть эсь ётковаст: «Дяряй кивок макссесь Тейнза ярхцамс?»

Апостолхнень тевсна 1:13

Ошу самста тонафнихне кеподсть вярдень кудбяльксти, коса синь фалу пуромкшнесть. Нят ульсть Пётр и Иаков, Иоанн и Андрей, Филипп и Фома, Варфоломей и Матфей, Алфеень цёрац Иаков, Симон Зилот и Иаковонь цёрац Иуда.

Павелонь сёрмац Ефесу 2:20

и тиньге путфтада кудъюрть лангс, конань маразь апостолхне и пророкне, и Сонць Иисус Христоссь ащи тоса кудужень кевкс.

Павелонь сёрмац Ефесу 4:11

Сон макссь улемс кинди апостолкс, кинди прорококс, кинди Пара кулянь кандыкс, кинди кемаень пуромксть мельге ваныкс и тонафтыкс.

Еврейхненди сёрмась 3:1

Сяс, иняру кемай ялгат, конатненди минь мархтонк марса максовсь менелень тердемась, шарфтость сельмованфонтень Иисус Христосонь лангс. Минь сембонь инголе лемнесаськ Сонь Шкаень Кучфокс и Озксвятиень оцюнякс.

Пёторонь омбоце сёрмац 3:2

афолесть юкста валхнень, конат инголькиге азфтольхть иняру пророкнень вельде, и Азорть и Идить кошардомвалонц, кона тейнть максф апостолонтень вельде.

Иоаннонди панчф няйфкс 12:1

Менельса эвондась оцю дивань тяштькс: ава, кона щафоль шиса. Сонь пильгонзон ала ульсь ковсь и прясонза – кемгафтува тяштьста каштаз.

Иоаннонди панчф няйфкс 18:20

«А тон, менель, кеняртькшнек! Тиньге, Шкаень сембе ломаттне, апостолхне и пророкне, кеняртькшнеда! Шкайсь судендазе сонь сембонкса сянкса, мезе сон тиендсь тейнть!»

Иоаннонди панчф няйфкс 21:14

Ошть перяфксоц ащесь кемгафтува кевонь юр лангса, и сятнень лангса – Верозть кемгафтува апостолонзон лемсна, фкя лем эрь кевть лангса.