Лука 5:30 - Од Соткс Новый Завет на мордовском-мокша языке 2016

³⁰ Фарисейхне и ёткстост койти тонафтыхне изгордозь корхтасть Иисусонь тонафниензонды: «Кода тинь сиптяда-ярхцатада каяфксонь кочкайхнень и лия пежуфнень мархта?»

Лука 5:30 ပူးပေါင်းရင်းမြစ်များ

Матфей 5:46

Кда карматада кельгомост аньцек сятнень, кит тинь кельктядязь, эста мезенкса тинь казендемс? Тяфта вдь тиендихть каяфксонь кочкайхневок!

Матфей 9:11

Фарисейхне няезь тянь и кармасть тонафнихнень кизефнема: «Мес тинь Тонафтыенте ярхцай каяфксонь кочкайхнень и лия пежуфнень мархта?»

Марк 2:16

Иисус ярхцась пежуфнень и каяфксонь кочкайхнень мархта. Мзярда фарисейхнень ёткста койти тонафтыхне няезь тянь, синь мярьгсть тонафниензонды: «Кода стане Сон ярхцай каяфксонь кочкайхнень и лия пежуфнень мархта?»

Марк 7:3

Вдь фарисейхне, кода сембе лия еврейхневок, атянь-атянь обуцяснон коряс аф озсихть ярхцама, мзярс лацкас аф штасазь кядьснон.

Марк 9:16

Иисус кизефтезень синь: «Мезень колга пялькстоманте?»

Лука 18:11

Фарисейсь арась и озондсь эсь пачканза тяфта: "Шкай! Сюконян Тейть, мес мон аф стаман, кодапт лия ломаттне, салайхне-нельгихне, кяжень тиихне, усксевихне, али вов кода тя каяфксонь кочкайсь.

Лука 19:7

Тянь няемста сембе ушедсть изгордозь корхтама: «Вай, Иисус сувась инжикс пежу ломанень пяли».

Лука 5:17

Весть, мзярда Иисус тонафтсь, пуромфнень ёткса озафтольхть фарисейхть и койти тонафтыхть, конат састь Галилеянь и Иудеянь сембе васттнень эзда, Иерусалимстонга. Азорть виец Иисусть эсоль, сясы Тейнза пчкафтовсть сярядихне.

Лука 5:21

Койти тонафтыхне и фарисейхне кармасть арьсема: «Кие тяфтамсь, кона пеедьсы Шкайть? Шкайда башка, кинди нолдавихть пежетне?»

Лука 7:34

Сась Ломанень Цёрась, ярхцай и сими; корхтада: "Ванода, вов тетькись и симилась, каяфксонь кочкайхнень и лия пежуфнень ялгасна".

Лука 7:39

Тянь няемста фарисейсь, Иисусонь серьгядиец, арьсесь эсь пачканза: «Улендяряль тя Ломанць афкуксонь пророк, содалезе, кие и кодама ава токсесы Сонь, вдь авась пежу».

Апостолхнень тевсна 23:9

Кеподсь оцю жалф, фарисейхнень ёткста кона-кона койти тонафтыхне пялькстомста корхтасть: «Минь аф мушенттама мезеньге кальдяв тя ломанть эса. Кда мархтонза корхтась ваймопожф али ангел, аф карматама молема Шкайть каршес».