Лука 4:23 - Од Соткс Новый Завет на мордовском-мокша языке 2016

²³ Иисус мярьгсь тейст: «Вов, мярьктяда Тейне валмуворксонь валса: "Пчкафты, пчкафтк Эсь пряцень!" и "Тик тясонга, Эсь ошсотка сянь, мезе, кода минь кулеськ, Тон тиендеть Капернаумса"».

Лука 4:23 ပူးပေါင်းရင်းမြစ်များ

Матфей 13:54

Сась Эсь ошезонза и кармась тонафнемост ломаттнень синагогаса. Ломаттне дивандакшнесть и корхтасть: «Коста Сон сявозе тяфтама смузьшить и вийть тиендемс оцю тефнень?

Матфей 4:13

Кадозе Назаретть и кармась эряма Капернаум ошса, кона ащи Галилеянь эрьхкть трваса Завулон и Неффалим масторса.

Матфей 4:23

Иисус якась сембе Галилеява, тонафтсь синагогава, пачфнесь Пара куля Шкаень Оцязорксшить колга и пчкафнезень ломаттнень эрь кодама урмада и сярятьфта.

Марк 6:1

Иисус лиссь тоста и тусь Эсь ошезонза. Тонафниенза мольсть мельганза.

Лука 2:39

Азоронь койть коряс семботь тиемда меле, Иосиф и Мария мрдасть Галилеяв, Назарет ошезост.

Лука 2:51

Иисус тусь синь мархтост, сась Назарету и сембоса ульсь кулхцондыкс тядянцты-алянцты. А Мария тядяц семботь тянь путозе эсь седизонза.

Лука 4:16

Иисус сась Назарету, коса кассь и, кода фалу ваймамань шиня, сувась синагогав. Сон стясь ломаттнень инголи Иняру Сёрматфксть лувома.

Лука 4:31

Иисус сась Галилеянь Капернаум ошу, тоса тонафнезень ломаттнень ваймамань шиня.

Лука 4:35

Иисус кемоста кардазе сонь, мярьгсь: «Лоткак корхтамда и листь эздонза!» Эста кяжи ваймопожфсь прафтозе алять ломаттнень ёткс, лиссь потмостонза мезеньге кальдявонь апак тик.

Лука 6:42

Ина кода мярьгат кемай ялгацти: "Ялгай! Эрька, таргаса сельмостот сардть", мзярда эсь сельмосот шочкть аф няйсак? Шамафксонь канни! Васенда таргак эсь сельмостот шочкть, эста няйсак, кода таргамс кемай ялгацень сельмоста сардть».

Иоанн 4:28

Эста авась кадозе кукшененц, мрдась ошу и корхтай ломаттненди:

Павелонь омбоце сёрмац Коринфу 5:16

Сяс тяни минь киньге колга аф арьсетяма ломанень шарьхкодемать коряс. Кда инголи минь Христостьке колга тянь лаца арьсеме, тяни тяфта аф арьсетяма.