Лука 24:27 - Од Соткс Новый Завет на мордовском-мокша языке 2016

²⁷ И Сон ёфнезень тейст сембе васттнень Сёрматфксста, коса корхтави Сонь колганза, сявомок Моисейста и сембе пророкнень эзда.

Лука 24:27 ပူးပေါင်းရင်းမြစ်များ

Марк 4:34

Валвеляфксфтома Иисус тейст мезевок ашезь азонкшне. Но мзярда Сон лядондсь Эсь тонафниензон мархта, эста панчсезе тейст валвеляфкснень смузьснон.

Лука 24:25

Эста Иисус мярьгсь тейст: «Вай, кодань тинь аф шарьхкодихтяда и конашкава стакаста кематада семботи сянди, мезень колга корхнесть пророкне!

Лука 24:44

Иисус мярьгсь тейст: «Вага кодама смузьсна ся валхнень, конатнень Мон азондыне тейнть нинге мархтонт улемста. Пяшкодевома семботи, мезе тяштьф колган Моисеень койса, пророкнень книгасост и Псалтирьса».

Иоанн 1:45

Филипп музе Нафанаилонь и корхтай тейнза: «Минь муськ Сянь, конань колга Моисей сёрмадсь койса и конань колга сёрмадсть пророкневок, – Назарет ошста Иисусть, Иосифонь цёранц».

Иоанн 12:41

Исаия тянь азозе, сяс мес няезе Христость оцюшинц и корхтась Сонь колганза.

Иоанн 5:37

И Алязе, кона кучемань Монь, Сонць азондсь колган. А тинь Сонь вайгяленц мзярдовок ашесть куле, шаманцка ашесть няе.

Иоанн 5:39

Тинь тонафнесасть Сёрматфксть, сяс мес арьсетяда вельденза пачкодемс пефтома эряфти; а сон корхтай Монь колган.

Апостолхнень тевсна 10:43

Сембе пророкне азондыхть колганза: эрти, кие кемай Тейнза, максови пежень нолдама Сонь лемонц вельде».

Апостолхнень тевсна 3:18

Но тяфта Шкайсь пяшкодезе сянь, мезе кунаркиге азондсь сембе пророконзон вельде: Христости сави кирдемс оцю маятамат.

Апостолхнень тевсна 3:22

Вов мезе мярьгсь атянь-атятненди Моисей: "Азорсь, Шкаенте, кучи тейнть Пророк тинь ломанентень ёткста, кода кучемань монь. Кулхцондость Сонь сембоса, мезе Сон мярьги.

Апостолхнень тевсна 3:24

Ня шитнень колга корхтасть лия пророкневок: Самуил и сембе, кит ульсть прорококс сонь мельганза.

Апостолхнень тевсна 7:37

Тя ся Моисейсь, кона мярьгсь израиленнетненди: "Азорсь, тинь Шкаенте, кучи тейнть Пророк тинцень ломаньтналстонт, кода кучемань монь; Сонь кулхцондость".

Апостолхнень тевсна 8:35

Филипп ушедозе корхтаманц Сёрматфксонь тя вастста и азондозе Иисусонь колга Пара кулять.

Иоаннонди панчф няйфкс 19:10

Эста мон прань сонь пильгозонза тейнза сюконязь, но сон мярьгсь тейне: «Ватт, тяк тиенде тянь! Монга Шкаень покодиян, кодамат тон и тонь ялгатне, конат азондыхть Иисусонь колга. Шкайти сюконяк! И содак: Иисусонь колга азондомась – тя пророчендамань ваймопожф».