Лука 23:34 - Од Соткс Новый Завет на мордовском-мокша языке 2016

³⁴ Иисус корхтась: «Аляй! Нолдайть пежеснон, сяс мес синь аф содасазь, мезе тиихть». Ушматтне, жерьбань ёрдазь, явозь Иисусонь щамонзон.

Лука 23:34 ပူးပေါင်းရင်းမြစ်များ

Матфей 11:25

Меле Иисус мярьгсь: «Аляй, менельть и масторть Азороц! Шнате Тонь сянкса, мес Тон кяшить тянь смузюфнень и шарьхкодихнень эзда и панжить тянь ёмла иттненди.

Матфей 11:26

Виде, Аляй, вдь тяфтама ульсь Тонь пара мяльце.

Матфей 5:44

А Мон корхтан тейнть: кельгость душманонтень, бславакшнесть сюдыентень, тиендеда цебярь аф кельгиентенди и озондода сялдыентень инкса и сятнень инкса, кие панци эсонт.

Марк 15:24

Иисусонь эськодезь крёз лангс. Эськодиенза, кинди мезе саты, жерьбань каязь, явозь щамонзон эсь ётковаст.

Лука 22:42

«Аляй! Кда ули мяльце, ётафтк тя кядьготь Монь вакскан! Но улеза Тонь мяльце, аф Моннесь».

Иоанн 17:9

Мон инксост эняльдян: аф сембе масторлангть инкса эняльдян, но сятнень инкса, конатнень Тон максыть Тейне, сяс мес синь Тоннет.

Иоанн 19:11

Иисус каршезонза мярьгсь: «Монь лангсон вийце ули аньцек сяс, мес сон тейть максф вярде. Сяс сяда оцю пежец сянь, кие Монь максомань тейть».

Апостолхнень тевсна 16:28

Но Павел кайгиста ювадсь: «Мезевок тят тие эсь мархтот! Минь сембе тясотама!»

Апостолхнень тевсна 3:17

Мон содаса, ялгат, тинь и тинь оцюнянтевок аф содамошида максость Христость куломас.

Апостолхнень тевсна 7:60

Тяда меле прась плманжа лангс и кайги вайгяльхть ювадсь: «Азор! Тяк лува тейст тянь пежекс!» Азозе тянь и ваймоц лиссь.

Павелонь сёрмац Риму 12:14

Бславасть панциентень, бславасть, а тясть сюда.

Павелонь васенце сёрмац Коринфу 2:8

Тя масторлангонь азорхнень эзда кивок ашезе сода-шарьхкоде тя смузьшить, афток афолезь эськоде крёз лангс иневалдонь Азорть.

Павелонь васенце сёрмац Коринфу 4:12

и минь виень путозь покоттяма кядьса. Минь эсонк сялдыхть, но минь сембонди арьсетяма пара, минь эсонк панихть, но минь кирттяма.

Павелонь васенце сёрмац Тимофеенди 1:13

монь, кона инголи сялтсезе Сонь лемонц, панцекшнезень и обжсезень Сонь ломанензон. Но монь кельгозь ужяльдемазь, сяс мес мон тиендине сянь, мезень колга ашень сода, улемок ся пингть кемамафтома.

Пёторонь васенце сёрмац 3:9

Тяда панда кяжть инкса кяжса али сялдомать инкса сялдомаса. Меколанкт, бславасть сянь, кие тинь обжадязь. Тинь содасать: тяфта тиендема тердедязь Шкайсь. Эста Сон тиньге бславатядязь.