Лука 22:22 - Од Соткс Новый Завет на мордовском-мокша языке 2016

²² Ломанень Цёрась моли стане, кода Тейнза инголькиге ладяфоль, но вай, кодань кальдяв ули ся ломанти, кона мисы Сонь».

Лука 22:22 ပူးပေါင်းရင်းမြစ်များ

Матфей 26:24

Ломанень Цёрась моли стане, кода сёрматф колганза, но вай кодань кальдяв ули ся ломанти, кона мисы Ломанень Цёрать! Ся ломанти сяда пара улель афи шачендомс».

Матфей 27:5

Эста Иуда ёрдазень ярмакнень Шкаень кудть кияксонцты, лиссь и пондазе прянц.

Марк 14:21

Ломанень Цёрась моли стане, кода сёрматф колганза, но вай, кодань кальдяв ули ся ломанти, кона мисы Ломанень Цёрать! Сяда пара улель, кда ся ломанць афи шачель».

Лука 22:23

Тонафнихне ушедсть кизефнема фкя-фкянь, кие ёткстост ся, кона тисы тянь.

Лука 24:46

Сон мярьгсь тейст: «Тяфта сёрматф: Христости эрявсь маятамс и колмоце шиня вельмамс кулофнень эзда.

Иоанн 17:12

Мзярда Мон улень мархтост масторлангса, Мон ванфтыне синь Тонь лемсот, сятнень, конатнень Тон максыть Тейне. Мон ванфтыне синь, и кивок эздост ашезь юма, ся цёрада башка, конац стясь юмамань-арамань ки лангс Сёрматфксть валонзон пяшкодеманкса.

Апостолхнень тевсна 10:42

Сон кошардомазь минь кандомс ломаттненди Пара кулять и азондомс няйфть: Сон Ся, кинь Шкайсь путозе Судьякс шистотненди и кулофненди.

Апостолхнень тевсна 17:31

Сон ладясь ши, мзярда кармай судендамонза масторлангть Эсь кочкаф Ломаненц вельде. Шкайсь кемокстазе тянь сембе ломаттнень ингольде, мзярда вельмафтозе Христость кулофста».

Апостолхнень тевсна 2:23

Сонь, Иисусонь, максозь тинь кядезонт Шкайть арьсефонц коряс и инголькиге содаманц коряс, и тинь коень аф содайхнень кядьснон вельде эськодесть Сонь крёзти, и шавость.

Пёторонь васенце сёрмац 1:11

Синь ёрасть шарьхкодемс, кодама пинге и тев лангс няфнесь синь эсост эряй Христость Ваймопожфоц, кона аноконди азондсь Христость маятаманзон колга и мельгаст моли иневалдть колга.

Пёторонь омбоце сёрмац 2:3

Ня топафксонь аф содай ломаттне, васькафнемок тинь ёжу валса-корхтамаса, кармайхть козякодома тинь вельдент. Но Шкаень судсь аноклаф ни тейст, и юмамась-арамась учи эсост.