Лука 21:8 - Од Соткс Новый Завет на мордовском-мокша языке 2016

⁸ Сон мярьгсь: «Ванфтода пря, афоледязь васькафта: сяс мес ламотне сайхть Монь лемозень ала и мярьгихть: "Тя Монан" и "Пингсь сась". Тяда яка мельгаст!

Лука 21:8 ပူးပေါင်းရင်းမြစ်များ

Матфей 24:11

Ся пингть сай лама аф афкуксонь пророкта и ламотнень васькафтсазь.

Матфей 3:2

«Шарфтода Шкайти, сяс мес маладсь Менелень Оцязорксшись».

Матфей 4:17

Эстоньбере Иисус ушедсь кулянь пачфнема: «Шарфтода Шкайти, Менелень Оцязорксшись маласа».

Лука 17:23

Мярьгихть тейнть: "Сон тяса" али "Сон тоса" – ащеда вастсонт, тяда лаське корхтайть мельге.

Лука 21:7

Иисусонь кизефтезь: «Тонафты, мзярда тя ули? Кодама тяштьксонь коряс содасаськ тянь пяшкодевоманц?»

Лука 21:9

Мзярда марятада кулят тюремань колга и ломанень комболдоматнень колга, тяда эводе, сяс мес инголи тянди улема, но тя нинге аф песь».

Иоанн 5:43

Мон сань Алязень лемса и тинь аф васьфнесамасть; а кда сай лия эсь лемсонза, сянь васьфтьсасть.

Иоанн 8:24

Сяс Мон мярьгонь тейнть: кулотада эсь пежесонт. Кда аф кематада – тя Монан, эста кулотада эсь пежесонт».

Иоанн 8:28

Сяс Иисус мярьгсь тейст: «Мзярда кеподьсасть Ломанень Цёрать, эста карматада содамонза: тя Монан и мезевок аф тиендян Эсь эздон. Но кода тонафтомань Алязе, стане и корхтан.

Павелонь васенце сёрмац Коринфу 6:9

Кали тинь аф содасасть: аф видексшинь ломаттне Шкаень Оцязорксшити аф сувавихть? Тясть васькафне эсь прянтень! Усксевихне, аф афкуксонь шкайхненди сюконяйхне, мирдень-рьвянь полафнихне, алятне аля мархта утцихне,

Павелонь сёрмац Ефесу 5:6

Киндинге тясть макссе васькафнемс прянтень шава валса, сяс мес тянкса сашенды Шкаень кяжсь аф кулхцондыхнень лангс.

Павелонь омбоце сёрмац Фессалоникав 2:3

Кивок коданга тязадязь васькафне! Ся шись аф сай, мзярс аф кеподи оцюдонга оцю комболдомась Шкайть каршес, и аф эвондай койфтомошинь ломанць, кона максови юмамать-арамать кядьс.

Павелонь омбоце сёрмац Тимофеенди 3:13

А кяжи ломаттне и васькафнихне кармайхть тиендема сядонга лама кальдявда, васькафнемок лиятнень и эсь пряснонга.

Иоаннонь васенце сёрмац 4:1

Кельгома ялгат, аф эрь ваймопожфти кемада, а инголи ваность-варжасть синь: Шкайть али аф Шкайть эзда сафт, сяс мес тяни масторть ланга якай лама аф афкуксонь пророкта.

Иоаннонь омбоце сёрмац 1:7

Вдь масторлангса эвондась лама васькафнида, конат аф кемайхть Иисус Христость ломанень ронгса саманцты. Тяфта корхтайхне – васькафни ломатть и антихристт.

Иоаннонди панчф няйфкс 1:3

Павазу ся, кие лувсы тя книгать, павазуфт сятка, кит кулхцондсазь ня пророчествань валхнень и эряйхть тя книгаса сёрматфть коряс. Вдь синь пяшкодема пингсна маласа ни!

Иоаннонди панчф няйфкс 12:9

Кабаконашка драконць, кунардонь куйсь, кона лемневи идемэвозькс и Сатанакс, сембе масторлангонь ломаттнень васькафнисна, ёрдафоль эсь ангелонзон мархта масторлангти.